Page 106 - MIN VOS 23 SEPT 2015

MEP ta bay Ministerio Publico y pa Algemene Rekenkamer
investiga e Hospital

Publication: Wednesday, 23 September 2015. Categoria: General

Glenbert Croes aceptando reto di Minister Schwengle:

ORANJESTAD (AAN): Siman pasa durante
reunion publico relaciona cu e proyecto di hospitaal Minister Schwengle a reta mi publicamente
pa bai Ministerio publico.

Awe mi kier anuncia cu mi a acepta su reto y conhuntamente cu e apoyo di fraccion MEP nos lo
ta preparando documentacion cu ta hustifica un investigacion di no solamente Ministerio publico
pero tambe nos lo bai solicita algemene rekenkamer di aruba y Hulanda pa hasi un investigacion
completo riba e proceso di bidding y cu a exclui cambernan di operacion.

Ora bo tende discurso di Minister Schwengle nos ta lamenta cu despues di 2 aña e ta bin papia e
idioma aki. Loke nos kier enfatisa riba dje ta cu bo no por kere cu ta cuestiona operatiekamer sin
hasi esaki pe totalidad di proyecto. Nos a adverti’ e 2 aña pasa prome cu e la firma e proyecto cu
OHL Arellano laga hasi un investigacion independiente riba e proceso di bidding. Tabata obvio
cu tabatin “bidfixing” pasobra a facilita pa laga un compania cu no merece gana e bidding na un
manera masha iregular. Awor despues di 2 aña ta lanta for di soño y esaki nifica cu bo ta mesun
culpabel pa tur e problemanan cu esaki por trece cune hunto cu tur e otronan cu a firma.
Bo a tapa bo wowonan pa tur iregularidad cu a sosode siendo cu full e proyecto di hospitaal
tabata un gefixed. Ta pesey nos lo bay entrega y encamina e proceso pa no solamente entrega un
keho oficial na Ministerio Publico pero tambe un investigacion di parti Algemene rekenkamer di
Aruba y Hulanda. Nos ta spera tambe cu Gabinete Eman duna cooperacion completo durante e
investigacionnan. Hecho ta cu Minister Schwengle ta mesun culpabel cu minister Eman y
Zievinger cu a firma e contract cu OHL Arellano.

http://www.diario.aw/2015/09/mep-ta-bay-ministerio-publico-y-pa-algemene-rekenkamer-investiga-e-
hospital/