Page 53 - MIN VOS - APRIL 15 ,2015
P. 53
Brazil Taekwondo Stichting a sali best team na e di 6
Ultimate Taekwondo Cup 2015
Tuesday, 14 April 2015 15:41
Comparti
Brazil Taekwondo Stichting su team di Train Hard Fight Smart "did it again". Esaki ta e palabra cu ta
wordo menciona den pueblo.
Diasabra ultimo a tuma lugar e di 6 Ultimate Taekwondo Cup 2015 y Clifford Rasmijn a scoge su best
team cu ta consisti di 7 atleta cu lo a bringa pa e Copa di Best Team. Nunca bo no sa di antemano contra
ken nan lo bringa te cu e dia di pisamento y despues ora cu e poule wordo traha y controla pa Grand
Master Jose Chaco Cornelio cu semper sa tin e ultimo palabra den e poule indeling.
Diasabra mainta manera cu Grand Master Jose Chaco Cornelio a yega Centro di Bario Brazil, Alberto
Klabér a entrega Grand Master Jose Chaco Cornelio e prome concepto di e poule y tabata tin 2 cambio cu
a wordo haci pa asina por a traha copia pa e 7 coachnan haya e lista pa asina e campeonato por a
cuminsa. Clifford Rasmijn a scoge e siguiente atletanan pa su best team:
Danon Delamore H 9 B 29
Joshua Klabér H 10 B 27
Rasheed Lowe H 10 A 35
Adam Liendo H 13 B 55
Hakeem Lowe H 13 A 41
Záhyon Klabér H 14 A 60
Jourdé Klabér H 16 A 64
Danon Delamore y Joshua Klabér a cay den e mesun poule na unda cu Danon Delamore a gana Joshua
Klabér den final. Rasheed Lowe, Hakeem Lowe, Adam Liendo, Záhyon Klabér y Jourdé Klabér a sali na
prome lugar.
Grand Master Jose Chaco Cornelio a haya cu e mester a entrega e premio aki y asina Grand Master Jose
Chaco Cornelio a entrega esaki na e team di Train Hard Fight Smart. Pabien ta bay na e team y Clifford
Rasmijn di Brazil Taekwondo Stichting cu nan di 4 Best Team Cup te cu awor pa e aña aki.
