Page 48 - min.jus 16 nov,2015

26
Cuerpo Policial cu curso special pa “leidinggevenden”
A sera ciclo di training
di “interogacion” pa
rangonan halto
DURANTE di aña 2015, dividi entre
7 grupo di 12, “Leidinggevenden” den
Cuerpo Policial a ricibi un curso intensivo,
incluyendo “rollenspel”, training pa cu
“verhoor”, esta interogacion.
E curso a wordo duna pa Cuerpo Policial di
Hulanda (KLPD) y cada sesion tabatin un
duracion di 4 dia.
Recientemente e ciclo di e curso aki a keda
completa. E trainernan Hulandes a expresa
cu na Aruba tin un nivel halto di dedicacion,
motivacion y pasion, ainda mas significante
compara cu esun di nan coleganan na
Hulanda.
A ofrece un combinacion di “review” y
elementonan nobo, pero tambe factornan
cu mester di atencion den raportnan di
interogacion, p’asina tur hende ta riba un
liña y ta compronde e forma di interogacion
y reportahe cu tin den e organisacion den
su totalidad.
AWEMainta Dialuna, 16 November 2015
E curso ta basa riba e principionan di
interogacion critico, profundo y analitico
di e tres partidonan cu ta generalmente
envolvi, esta e sospechoso, e victima y e
testigo.
E curso a dura solamente 4 dia, pasobra e
tabata p’e candidatonan mas cu tur cos un
“review” di loke nan a siña caba, incluyendo
un parti di leynan, pero p’e parti mas grandi
a ensera metodonan di interogacion.
Alto Inspector Rocco Tjon, kende ta “Chief
of Staff” na oficina di Alto Comisario di
Polis a splica cu e ciclo di curso ta parti di e
“opleidingsplan” pa Cuerpo Policial cu tin
como meta pa mehora e organisacion.
Mas of menos 100 recherche a sigui e curso
y n’e ocasion aki nan superiornan, cu tin e
tarea pa supervisa y guia e Recherchenan,
a haya e mesun curso, pero adapta y mas
cortico.