Page 9 - BNDIA ARUBA

reino Diahuebs 12 OctOber 2017
A9

Resistencia contra leinan di

consenso pa un Corsou

autonomo real

WILLEMSTAD – Fundashon Kòrsou Fuerte i Outóno-
mo (KFO) ta sigui resisti e leinan di consenso cu a for-
ma parti di e pakete pa Corsou bira autonomo na 2010.

Banda di e critica serio cu KFO tin contra di e referendum cu
a tene pa si y no, e organisacion no ta di acuerdo cu e leinan
di consenso. A tene diferente manifestacion caba den ultimo
lunanan.

Nan a tene un simposio cu e tema ‘Resistencia di e Yu’i Kòr-
sou’. KFO ta bisa cu e ta para pa realisacion di un Corsou
fuerte y autonomo como pais y ta vigila y aporta na e proceso
di emancipacion politico y estatal di Corsou.

Atraves di añanan Yunan di Kòrsou a lucha pa igualdad y un
trato cu nan merece den nan mes pais. Resistencia di entre
otro 1795 i 30 di mei 1969 a demostra con importante ta pa e
Yu’i Kòrsou lanta y para pa su derecho. For di 2010 Corsou,
Boneiro, St. Maarten y Statia a bin ta sufri bou di decision-
nan colonial cu diariamente ta afecta nan habitantenan, asina
e organisacion ta bisa.

Durante e simposio oradornan manera James Finies di Bo-
neiro, Deonicio Bryson di St. Maarten, Clyde van Putten di
St. Eustatius, Merryl ‘Lilo’ Sulvaran y Eldon ‘Peppie’ Sul-
varan a trata nos situacion despues di 10-10-10 y e importan-
cia di resistencia contra di e leinan di consenso. “E lucha ta pa
pueblo di Corsou pa logra un status berdadero autonomo pa
Corsou”, asina FKO ta bisa.
‘Gobierno mester haci lo

maximo posibel pa facilita
aumento di cuponan di trabou’

WILLEMSTAD – Gobierno mester hasi lo maximo po-
sibel pa facilita aumento di cuponan di trabou, asina
parlamentario Marilyn Moses di partido MP ta bisa.

Segun e parlamentario, e aumento di desempleo den nos na-
cion ta preocupante. “E ultimo cifranan di 2016 ta indica un
desempleo di 13.3. Menasa di retiro na diferente compania
manera UTS, Digicel y aeropuerto ta lanta mas preocupacion.
Na e momentonan aki practicamente mita di nos poblacion
ta biba rondo di e minimo di existencia. Gobierno mester sali
for di e idea di haci lo necesario y drenta den e caminda di haci
lo maximo posibel pa facilita aumento di cuponan di trabou.”

Trabou ta un derecho humano. Segun e organisacion interna-
cional di labor di Nacionnan Uni, ILO, cada ciudadano tin un
derecho riba un trabou decente pa cria su famia. Tambe ILO
ta bisa cu sector priva tin un rol crucial den crea cuponan di
trabou decente, asina e parlamentario ta comenta.

Den e acuerdo di gobernacion 2017-2021, gobierno ta bisa:
‘pa crea trabou gobierno lo percura pa e condicionnan adecua
pa un bon clima di inversion pa inversionistanan por cumpli
cu nan parti’.
Areanan cu mester di atencion ta entre otro e tempo di espera
pa otorga permitnan. Tambe control di trabounan a base di
contract cortico cu tin e tendencia di reduci invasion y pro-
ductividad.
Innovacion ta crea mas cupo di trabou. Gobierno ta menciona
tambe, trabou pa yiu di Corsou y ta bisa cu e filosofia lo ta
‘cada yiu di Corsou na trabou prome’ y si ta necesario ta in-
troduci e leinan corespondiente. “Un filosofia cu nos tambe
por comparti”, segun e parlamentario.

Tumando na cuenta e situacion alarmante di desempleo,
Movementu Progresivo ta convenci cu gobierno mester haci
lo maximo den su alcance y no lo necesario. Pa motibo di
esey nan a entrega un gran cantidad di pregunta na minister
di Asuntonan Social y Labor.