Page 4 - MIN VOS flip

Pero den casonan di e baby Lunah, mirando tur e otro complicacionnan cu e tin, ta trece cierto otro riesgonan cune
cu e dokternan di Aruba y di exterior ta bisa cu ta miho pa no scoge pa un operacion na e momentonan aki.
Ringeling a bisa tambe cu e motibo cu no a opera e baby no ta pasobra cu hospital no tin e “opvang net” despues
sino pa e hecho cu e dokternan na Aruba ta haya e riesgo cu algo por sosode cu e mucha demasiado grandi. A scoge
pa mira si via di remedi por haci algo na e problema cu e mucha tin.
E gastonan cu un operacion di baby Lunah den exterior no tabata un consideracion pa AZV, pero mester scucha e
specialistanan cu ta duna nan conseho na AZV. Pero tambe ta pidi opinion di otro specialistanan tanto na Hulanda
como Colombia. Y a base di e consideracionnan mediconan, y no placa, ta tuma un decision.
Informacion ricibi for di e dokternan ta mustra cu tin mas caso Trisomy 18 na Aruba, pero e complicacionnan
adicional di Lunah si no ta algo normal cu sa topa cune na Aruba. Ta trata di un baby cu ta handicap fisicamente y
mentalmente, pero esaki no ta loke a hunga un rol den e decision inicial di AZV.
Loke a hunga un rol ta cu e riesgonan ta mucho grandi, pero si mayornan ta nenga e tratamento cu remedi
conscientemente y ta opta pa e operacion, AZV ta cubri esaki pero mester haya aprobacion di un hospital cu ta
dispuesto pa ricibi e baby. Mientras cu tabata sperando riba e contesta, tur e tramitenan a wordo haci caba.