Page 103 - MIN VOS 7 MAART 2016

Gina Maduro di ABV Directiva di SABA mester ta mas
transparente den su maneho

Sunday, 06 March 2016 11:54
Tweet
Comparti

"Nos tambe como sindicato tin e mesun opinion aki, cu e statutonan di SABA no ta cuadra cu
principionan di bon gobernacion, dus e ta hermeticamente cera.
No solamente pa Gobierno, pero pa sindicato tambe", asina Gina Maduro, Presidente di sindicato ABV a
duna di conoce na salida for di e reunion convoca pa Minister di Salud Publico hunto cu directiva di
SABA y sindicato ABV cu ta representa e trahadonan di e fundacion cu ta maneha e 4 casnan di anciano.
E sindicato a expresa di ta masha contento cu Minister Schwengle a invita nan pa e reunion, pa nan
tambe expresa nan pensamento relaciona cu e desaroyonan den maneho di e casnan di anciano cu ta
resorta bou di fundacion SABA.

"Nos conoce e modelo tripartiet, unda tin representante di sindicato, di doño di trabou y kroonleden.
Pesey nos di ABV ta boga pa un maneho mas habri y mas transparente", di acuerdo cu Gina Maduro di
ABV. Mas leu e sindicalista a señala cu e problema di SABA ta data for di hopi aña caba. Sindicato ABV
mes a cuminsa representa trahadonan di fundacion SABA desde october ultimo, pues apenas 4 luna
pasa. Siendo un sindicato for di e industria di cuido, nan ta considera di ta bon conocedo di e materia y di
kico ta come y bebe den "zorg".

Sindicato ABV consecuentemente ta boga pa nos grandinan hospedando den e casnan di anciano
maneha pa SABA mester por conta cu un calidad halto di cuido y atencion. No solamente pa e grandinan
eyden, pero tambe pa e trahadonan.

Gina Maduro di ABV a splica cu "Si bo kier pone nos grandinan central, bo tin cu duna bo trahadonan
tambe e espacio y duna nan e material pa nan por eherce nan trabou como debe ser". E sindicalista a bisa
di ta lamenta cu e ambiente mes den SABA no ta nada di gaba, cu un disgusto grandi con ta trata nan y
specialmente e forma dictatorial con ta maneha e centronan di cuido.

"Pero mi ta compronde dicon e forma ta asina. Pasobra ora nos sinta cu Raad van Toezicht, e actitud
arogante di e Presidente di Raad van Toezicht, sosteni pa e otro miembronan di e hunta, cu ta bay bek na
e director y asina e Management Team y tambe e trahadonan ta wordo trata. Pues nos como sindicato no
ta di acuerdo cu e sistema aki y nos ta boga pa cambia e sistema aki mas lihe cu ta posibel", asina Gina
Maduro a termina bisando.

http://www.24ora.com/local-mainmenu-5/106027-gina-maduro-di-abv-directiva-di-saba-mester-ta-
mas-transparente-den-su-maneho