Page 104 - MIN VOS 7 MAART 2016
P. 104
Minister dr. Alex Schwengle: Mi ta exigi mas transparencia y
miho maneho den SABA
Sunday, 06 March 2016 11:55
Comparti
"Pa via di e intrankilidad cu ta reinando den e casnan di anciano resortando bou di SABA, tanto na nivel
di trahadonan, di clientenan y nan famia
, mi a dicidi di yama un reunion urgente cu e Hunta di Supervision di SABA, e director di SABA y e
sindicato cu ta representa e trahadonan", asina Minister dr. Alex Schwengle a splica despues di e reunion
cu a tuma luga diahuebs atardi na Bestuurskantoor.
No solamente e sindicato ABV, sino Minister Schwengle tambe a yega di expresa na mas di un ocasion di
ta sinti cu falta mas transparencia den maneho di e fundacion cu ta opera 4 cas di anciano. Por ehempel
den pasado e director di SABA a ataca Minister di Salud publicamente pa cual a daña e relacion hopi.
Gobierno ta sinti cu e fundacion ta pidi subsidio so y no ta responsabilisa nan mes pa e suma cuantioso di
placa cu nan ta haya anualmente.
Stichting Algemene Bejaardenzorg Aruba (SABA) ta existi desde 22 di maart 1972. E fundacion ta conta
cu un Hunta di Supervision consistiendo di Ronny. Tchong como Presidente, Jacqueline Bastien-
Sherman, Rik Timmer, Johan Segers, Dr. Maria Odijk y Marcel Meelis como miembro. Remo Kock ta e
director di e fundacion pero tambe ta forma parti di e Hunta di Supervision.
"Mi ta haya cu si Gobierno ta e proveedor mas grandi di placa, aunke e ta un fundacion particular, nos ta
papiando awor di mas cu 23 miyon florin, mi ta kere cu como Gobierno no ta nada straño pa bisa cu e
statutonan di SABA ta bieu y full cera pa Gobierno. Mi no ta kere cu esey ta bon", segun Minister dr. Alex
Schwengle a expresa.
E mandatario ta subraya e hecho cu codigonan moderno di bon gobernacion awendia no ta brinda
espacio pa por maneha un fundacion asina, cu tanto fondo di pueblo, sin cu ta haci'e na un forma
transparente y den cual Gobierno tin mas di bisa.
"Mi ta haya cu SABA mester modernisa su statutonan y duna Gobierno un mede zeggenschap den e
Hunta di Supervision ta solamente parti di e cambionan. Tin hopi mas cambio cu ta necesario", Minister
Schwengle a insisti.
