Page 83 - KPA 7 OCT 2015

Pareha riba brommer a accidenta banda di Buccanneer ora a purba huy
pa polis
Tuesday, 06 October 2015 19:56

Comparti

Un persecusion cu a cuminsa for di Kudawecha. Aki polis coriendo tras di un bronmer color preto na dado
momento ora a duna señal pa para el a pasa den luz cora na Noord direccion pabou. Finalmente e
persecusion a caba na e crusada di Buccaneer.

Esey a pasa den careda di 12:00 PM. E brommer a wordo sigui door di un patruya cu a duna e brommer
indicacion pa e para pero el a nenga di para y a bin termina cu un accidente na Buccaneer. E patruya parce
lo a mishi e parti patras di e brommer y e manehador no por a domina e brommer mas cual motibo el a
cay. E version aki a wordo menciona aunke riba e vehiculonan mes no ta mira e impacto aki. Un dama cu
tabata riba e brommer y sin helm a sufri sla na man y curpa . E manehador di e brommer lo a bira
agresivo cu e polisnan y aki mas patruya a yega na e sitio pa asina domina e situacion. Ambulance a
presenta pa asina duna e manehador y e dama asistencia. Agente specialista di trafico a wordo yama pa
presenta na e sitio. E motibo tabata cu e tata di e manehador di e brommer tabata insisti cu polis a dal su
yiu homber riba brommer. A cuminsa cu un investigacion di e susedido. E brommer no tabata tin ningun
papel cune y e number di e brommer no tabata cuadra cu e brommer tampoco. E brommer a wordo tuma
den beslag y hiba pa warda di Balashi.