Page 86 - KPA 7 OCT 2015
P. 86
Richinel Pieternella di 46 aña haya morto na Ex Papiamento
Restaurant
Tuesday, 06 October 2015 18:44
Comparti
Diamars atardi un biaha mas polis ta wordo notifica di un persona cu no ta duna senjal di bida riba
propiedad di Ex Papiamento Restaurant.
Polis no por a drenta facil. A bai over mesora na sera e area. Ora polis a drenta a topa un hende colga cu
no tabata reacciona. E homber cu Polis a topa no kier a biba mas. Ta trata di e conocido di husticia y
choller Richinel Pieternella. E ta naci na Aruba 23 di September 1969. E no tin lugar fiho di biba.
Diasabra ainda e tabata den noticia ora cu el a drenta sunu den negoshi den Caya Grandi y causa un
disaster rebolteando tur cos den e negoshi. E parkeerwachternan a tira man riba dje te ora polis a
yega. Un droga malo el a dal e dia ey, E tabata den remate ultimo dianan aki. Dokter a wordo avisa di e
caso diamars atardi y a bin constata morto. Recherche tambe a presenta pa haci un investigacion. Pas na
su restonan y forsa na e famia. Esaki ta di dos caso di morto similar riba mesun propiedad.
