Page 41 - ATA MAY 13

Biento lo bay keda activa algun dia bek

Den e dianan aki por a mira biento pisa durante luna di Mei cu no ta normal pa cual aki
acerca director di meteo Mark Oduber pa haya sa mas di kico ta e desaroyo tras di e
biento duro aki.

Cuminzando Februari y Maart, ta cay den cuaresma tin basta biento y despues e ta
lanta bek den Mei, Juni y luna di Juli tin biento cu rafaganan mas fuerte.

Pa e aña aki por a ripara cu desde dia 29 di April tabata tin biento cu averahenan fuerte
y rafaganan riba 34 nudo. Esey a keda persisti den e dianan aki, cu excepcion di 1 y 2
di Mei. Tur e otro dianan e rafaganan a keda fuerte. Dia 7 y 8 di Mei a keda registra
basta halto riba e promedio di e luna di Mei. Hasta riba e biento absoluto di luna di Mei
cu a keda registra 42 den ultimo 30 aña. Biento hopi duro aki a wordo causa door di un
extension atmosferico halto cu tabata riba mar Atlantico combina cu un area di presion
abao banda di Colombia. Eynan tabata tin un fluho di biento duro for di Aruba bayendo
te den parti di Noord di Colombia. Esey tabata tin su efectonan. Si e situacion ta algo
abnormal, e ta fastioso pa bisa, segun Oduber. Esey por pasa, pero e por ripiti of no, si
e tin un efecto riba e proximo lunanan cu tin, cu ta Juni y Juli, cu biento por haya mas
forsa, ta hopi complica pa bisa.

Oduber a sigui splica cu ta parce cu e biento ta keda tiki fuerte ainda parti diaranzon, te
cu diahuebs. Djey paulatinamente ta mengua. Pero e ta keda un dos nudo riba esun
normal. Ultimo dianan e tabata casi 15 nudo, dus 10 nudo riba normal. Por wak cu ta
busca di bay bek den norma di Mei, cu ta un luna cu tin biento, pero no fuerte manera e
tabata den e ultimo dianan aki. E ta menguando si, segun Oduber.

E stof di Sahara lo bay keda hang pa un paar di tempo. Cada biaha e ta forma den
Atlantico y ta grap’e bek for di Africa y ta mande den nos direccion. E stof di Sahara pa