Page 45 - ATA MAY 13

Turistanan Mericano awor ta bin Aruba cu Tas y Baki anti-
robo

Publication: Wednesday, 13 May 2015. Categoria: Policial
Pa usa ora nan ta riba beach…

ORANJESTAD (AAN): Ta parce cu e cantidad di robo cu tin na algun beach, a hala atencion di
e turistanan Mericano. Nan no por laga nan pertenencia bao di e Palapa mas djis pa bay dal un
duik den lama, sin cu ladron ta pasa bay cu nan den 1 seconde.
Turistanan no tin trankilidad mas na Arashi. Nan no por ni dal un duik rapido na Malmok. Na
Palm Beach, no obstante cantidad di oficial di Visibility Team, y tambe Hotel Security… tog nan
ta perde nan pertenencianan laga bao di palapa of nan beach chair. Na Mangel Halto, ta for di
den auto nan ta horta.
Awor fabricantenan a bin cu productonan cu bo por usa pa asina ta sintibo safe. E baki fuerte di
“Vacation Vaults”, ta un baki cu tin un candal di number, y esaki bo ta pone sea rond di e Palapa
of rond di bo Beach Chair. Cosnan valioso ta keda safe den dje. Tambe tin Vigilant Outdoor
Vault.
Tambe tin “Kyss Bags”, cu ta un tas den diferente tamaño, cu tin cadena y un candal di number
pa bo wante safe na bo palapa of beach chair. Tambe tin modelo Pac-Safe 100.
Hopi ta cumprando Kyss Bags, pasobra e por hasta wanta full un iPad den dje.
E ta demostrando con negativo e casonan di hortamento na beach ta impactando e turistanan.
Pues awor nan ta hasta bin cu nan propio productonan pa proteha nan pertenencianan ora di bay
beach. Kizas si nan wordo bendi na Aruba tambe, e ora hasta localnan lo cuminza usa nan ora di
bay pasa dia na lama.
http://www.diario.aw/2015/05/turistanan-mericano-awor-ta-bin-aruba-cu-tas-y-baki-anti-robo/