Page 25 - MIN JUS 26 JUNE 2017
P. 25
Mas sospechoso e caso aki ta bira, ora cu e Polis cu a bin pa atende e caso aki,
ta un Polis conoci di traha den Tap-Kamer di Polis, esta ta tap yamadanan di
esnan sospechoso. Pa colmo e agente policial aki ta ruman di un ex-miembro di
MEP, cu ta dunando bo e impresion pakico tin politica meti den e caso di Paul
Croes.
Nos a puntra e mandatario su opinion riba e hecho aki, el a bisa cu berdad cu
nan ta bibando den un situacion fastioso, pasobra bo no sa kende ta rond di bo
persona of bo cas. Ta berdad cu den oranan di madruga tabatin 4 persona ta
haciendo algo na su auto, pero cu e no ta usa mas.
Ta hopi straño si cu den fase di investigacion ta haya e maniobranan aki, unda
tin hende ta haciendo algo n’e auto, pero ora cu Polis a bin, e mesun agente aki,
cu manera nos a menciona ta traha den Tap-Kamer di Polis a pidi e chofer p’e
bay cu e auto pa mas investigacion.
Alegando cu tin un grupo di Venezolano, terorista na Aruba, y ta bon pa investiga
kico nan por a haci n’e auto y pesey Polis a haya ta bon pa bay cu e auto.
Paul Croes ta haya e modus operandi aki masha straño, pasobra e ultimo 3
lunanan e no a haci uso di e auto aki mas.
Expertonan ta bisa cu expertonan lo a “bug” e auto, poniendo microfoonnan
chiquito pa sigui combersacionnan di esnan den e auto.
E ta bira mas sospechoso, ora cu nos a haya sa cu e Polis cu a bay cu e auto, ta
un Polis di Tap-Kamer, kier men sa con pa instala e “bugnan” aki pa scucha
hende.
Abogado Mr. Marije Vaders: Prome Biaha E Ta
Experiencia E Forma Di Proceder Di OM
Featured
Politica
- 25/06/2017