Page 30 - MIN JUS 26 JUNE 2017

“Ta inhusto pa secuestra parcialmente un gobernacion, e ta inhusto pa secuestra bida un
persona y su famia, pasobra e proceso di OM no ta mesun diligente manera nan a laga sa
di lo ta”, segun Minister drs. Paul Croes.

Pesey el a anuncia cu e lo ta active politicamente, y for di diasabra ultimo, el a sali pa
bishita varios cas na Noord, unda Paul Croes a ser recibi cu braza habri. Sperando di por
haya claridad di loke ta pasando.

Diasabra mainta, Minister drs. Paul Croes a dicidi di kibra silencio, despues di 3 luna di
no a duna reaccion riba loke ta pasando, sigur riba tur acusacion den direccion di su
persona. Drs. Paul Croes tabata acompaña pa su abogado di Corsou, mr. Marije Vaders.

For dia 28 di maart, for di momento cu autoridadnan hudicial a haci entrada hudicial, riba
conseho di su abogado, a dicidi pa no duna ningun declaracion. Pero te cu awe, no tin
ainda claridad riba e caso cu a haya nomber di Ibis.