Page 39 - flip Min.Vos

IBiSA ta mira’tras otro gran careda di cual tur preparacion final a cuminsa for di oranan trempan di
diadomingo marduga y a culmina den un exito rotundo. E evento a conta cu participacion di coredo y
canadonan local y internacional cu na final, mescos cu tur patrosinador a keda contento. E aña aki a cera
inscripcion cu 800 participante.
E busnan cu tur participante na e di 30th Aruba International Half Marathon a yega Joe Laveist Sport
Park na San Nicolas, na unda cu e proceso di ‘check in’ a tuma lugar. Pa 5:30 a.m. tur cos tabata cla y
Minister di Deporte Dr. Alex Schwengle a duna e ‘start shot’ pa e careda sali. Prome a sali e grupo di 5
coredo cu a core ta pusha stroller cu e hobennan special. Despues a sigui e coredonan y e canadonan cu a
participa na e Half Marathon.
E ganador absoluto di e careda a bira Ronald Staring di Aruba, cu e aña aki a domina e careda for di
inicio y ta logra cruza e linea final cu un tempo di 1:15:14. Ronald Staring ta baha e distancia cori cu
04:01 minuut, y ta logra mehora su tempo di aña pasa cu tabata 1:19:15. Cu aplauso y gritonan di apoyo y
alegria, e publico na banda ta ricibi Ronald Staring ora el a cruza e linea final.
Den damas e hazaña ta keda logra e aña aki pa un coredo di USA y e ta logra esaki cu un tempo di
1:32:38. Nicole Cocozza di 24 aña, ta bira e prome dama pa cruza e linea final na Alhambra Casino
parkinglot.
Ambos coredo a ricibi nan trofeo como ganador absoluto y tambe nan premio cash di US$ 400,- cu a
keda entrega na nan door di Minister di Deporte Dr. Alex Schwengle. IBiSA ta felicita ambos coredo cu a
logra e hazaña aki y ta marca e 30th Aruba International Half Marathon riba nan nomber. Demas
resultado segun categoria di edad y premiacion ta wordo anuncia oficialmente den otro comunicado di
prensa cu lo sigui proximamente. Pa reportahe di potret di Aruba su 30th International Half Marathon,
por subi riba Facebook di IBiSA of riba website: www.ibisaruba.org .

http://www.24ora.com/deporte-mainmenu-7/93040-ronald-staring-di-aruba-y-nicole-cocozza-di-usa-ta-
bira-e-ganadornan-absoluto

Ekipo di Bestuurskantoor ta logra dos victoria den softball

Tuesday, 17 March 2015 12:58
Comparti