Page 40 - flip Min.Vos
P. 40
E ekipo di softball veterano di Bestuurskantoor ta sigui cosecha exito. Recientemente e ekipo, guia pa
Eric Agumbero ta logra dos victoria ganando e ekiponan di Papia y Actua como tambe esun di Balashi.
Den e wega contra di Papia y Actua e score tabata uno preta unda e ekipo di Bestuurskantoor ta logra
triunfa 7 – 6. Aki a laga e ekipo di Papia y Actua den tereno. Su siguiente siman a enfrenta e ekipo di
Balashi y aki a logra otro victoria e biaha aki cu e score di 9 – 6, den e wega aki tambe a laga e ekipo di
Balashi den tereno. E siman aki e ekipo di di Bestuurskantoor lo enfrenta E ekipo di R.D.A pa 4or na
tereno di Calabas na Noord.
http://www.24ora.com/local-mainmenu-5/93043-ekipo-di-bestuurskantoor-ta-logra-dos-victoria-den-
softball
Team 1 di Colegio Arubano ta bira ganador di ‘Student Relay’
den 30th Aruba International Half Marathon
Tuesday, 17 March 2015 12:56
Comparti
Pa prome biaha IBiSA a organisa e competencia di ‘Student Relay’ den Aruba International Half
Marathon. E idea a surgi como un motivacion na hobennan pa participa na caredanan competitivo. Y
asina, IBiSA a acerca schoolnan secundario cu mesora a logra forma nan team di hoben pa participa y
representa nan school.
E preparacion prome cu e dia di careda y tambe riba diadomingo mainta di careda tabata intensivo. Pero
cu satisfaccion e grupo di IBiSA cu a coordina e parti di ‘Student Relay’ den Aruba su 30th International
Half Marathon ta repasa e resultado y exito di e competencia.
Hobennan di cada ‘team di relay’ tabata tey presente for di trempan na Joe Laveist Sport Park pa ‘check
in’ y prepara pa salida. Mientras cu demas coredonan cu mester haci e cambio na respectivo postnan a
sigui pa nan post. E mainta a transcuri rapido. Y na cada post di cambio, cu tabata na 5K, 11K y na 17K
tur ‘relay’ a bay hopi bon.
Student Relay School:
