Page 33 - flip
P. 33
O.V a splica cu hamas lo e kier causa daño na cas di su yiunan.
El a indica cu for di basta tempo caba su ex ta papiando hopi bon cune y e ta haya cu esey ta un
indicacion cu e ex no ta pensa mas cu ta e a cende e cas na candela.
E perspona perhudica (propietario di e cas) tabata presente na corte y el a entrega un extra
demanda di 7.500 riba di esun di 25.000 cu ya caba O.V a wordo condena di paga, pasobra e
daño na e cas a resulta di ta mas hopi.
Pa loke ta su circunstancianan personal, O.V a wordo condena den pasado na diferente occasion
pa ladronicia, menaza y destruccion.
E Abogado General encarga cu e caso a indica cu actualmente castigonan halto ta wordo exigi pa
cende cas na candela, pero mirando cu fiscal durante tratamento di e caso di corte di prome
instancia a exigi un castigo parcialmente condicional, el a pidi huez pa mantene e veredicto duna,
cu excepcion di e parti di e demanda.
El a pidi pa banda di e 25.000 florin cu ya caba O.V tin cu paga, pa e paga e extra 7.500 florin
pidi pa e persona perhudica.
Abogado Vito Carlo representando e acusado a trece dilanti cu su cliente for di un principio a
para ariba cu e no a cende e candela.
E ta pensa cu tabata un set up di parti di su ex, mirando cu a haya algun artefacto poni riba cama
cu ta inclui e stanley mes y un botter di cervez, pa hasi como si fuera tabata O.V a cende e cas na
candela.
Carlo a splica cu si ta berdad cu O.V tabata den e camber, a bin cu e cosnan ey y a cende e cas
na candela, su DNA lo mester a wordo haya riba tur e articulonan y no solamente riba e stanley
mes.
El a splica tambe cu anteriormente caba O.V a indica cu e stanley mes tabata di dje ora cu e
tabata biba na e cas y cu pesey quizas a haya su DNA riba dje.
Carlo a haya tambe cu e demanda exigi ta mucho halto.
Dialuna huez a dicta cu e castigo duna caba den corte di prome instancia ta keda como tal.
Locual si huez a baha ta e suma cu e acusado tin cu paga basa riba e demanda di e persona
perhudica.
Unda cu den corte di prome instancia el a wordo sentencia pa paga 25.600 florin, Hof a dicidi cu
e tin cu paga 16.000 florin.
http://www.diario.aw/2015/05/castigo-a-keda-mescos-pa-homber-acusa-di-cende-cas-na-candela-
pero-e-suma-di-demanda-a-baha/
