Page 22 - AWM 7 OCT,2015

22 AWEMainta Diaranson, 07 Oktober 2015

Co.lab
Workspace:
Ofreciendo
oficina cu
flexibilidad

DIABIERNA ultimo, co.lab a lansa un producto nobo

pa entrepreneurs y startups na Aruba: Workspace.
Despues di lunanan di preparacion, finalmente e team
di co.lab a lansa Workspace durante un launch event,
caminda invitadonan a haña un tour y splicacion
di locual e Workspace ta ensera. Despues di e tour,
invitadonan a disfruta di e launch party den cura unda
por a network den un atmospfera ameno y gosa di e
musica di DJ Top Rankin.

Workspace, cu ta situa na Anasastraat 4 na Dakota,
t’e siguiente den e series di producto y servicio nan cu
co.lab a bin ta ofrece. Workspace t’e solucion pa tur
hende cu kier traha den un atmosfera profesional sin
cu mester sinti nan mes mara na un contract of oficina
pa un termino largo of na prijsnan halto.
Workspace ta ofrece diferente opcion pa por traha.
Asina por huur un lessenaar pa dia, pa siman of pa
luna. Por scoge entre un lessenaar den e area habri
of priva.

Tambe tin posibilidad pa huur un meeting room pa
ricibi cliente of pa duna presentacion. Los di por huur
un lessenaar tambe tin oficinanan priva cu por huur
pa un luna of mas. Tambe tin posibilidad pa huur
Workspace pa por ehempel duna workshops of pa
(host) evento. E enfasis di Workspace ta pa ofrece
flexibilidad na entrepreneurs, startups y freelancers.
Otro beneficionan cu tin ta cu na Workspace bo ta
encontra otro entrepreneurs, startups y freelancers
den diferente ramo y asina expande bo network y te
hasta crea oportunidadnan nobo pa colabora.

Co.lab ta un community cu ta trese entrepreneurs,
startups, freelancers, business professionals
y artistanan hunto pa intercambia ideanan y
conocemento cu e enfoque pa yuda otro cuminsa y/of
mehora nan compania. E comunidad ta activo desde
mei 2014 y ta organisa eventonan tur luna manera
First Friday, Table Talk, Time2Think sessions y mas.
Bo tambe por forma parti di co.lab dor di bira miembro
y disfruta di varios beneficio cu co.lab ta ofrese.
Pa mas informacion over di co.lab y Workspace por
yama libremente na 584-7474, subi Facebook page
www.facebook.com/colabcommunity.aruba of
website www.colab-aruba.com.