Page 25 - AWM 7 OCT,2015

AWEMainta Diaranson, 07 Oktober 2015 25

Maybelline
New York
Fashion Night

Publico lo disfruta di fantasianan
unico y fascinante di makiyahe

DESPUES DI un preparacion intenso y durante varios

luna, e gran anochi final ta acercando, unda cu Aruba por
presencia e prome Maybelline New York Fashion Night, un
anochi completamente diferente na loke ta custumbra cu ne.

E carchinan a bay super bon y expectativa y curiosidad ta
hopi halto p’e anochi diasabra 10 di october na Renaissance
Convention Center. E 6 makeup artists conhuntamente cu
nan 5 modelonan di Koma Modeling ta haciendo e ultimo
preparacion- y detayenan pa deleita e publico cu 5 diferente
make-up den un tema. Ronchi de Cuba conhuntamente cu
e team dinamico di Medicosmetics Aruba N.V. bou guia di
Lizayra Tromp-Polak, ta completamente convenci cu e anochi
aki lo ta algo nunca bisto y cu e publico lo goza di un anochi
espectacular yena di beyesa, creatividad, originalidad y
profesionalismo den e mundo di makiyahe.

Cada makeup artist a scoge 5 modelo y tambe a haya nan
tema, unda cu nan lo bay elabora y crea e fantasianan di
makeup exotico, moderno y original.

E temanan p’e anochi aki ta:
Edgar Kock cu e tema di Candy; Rafael de Cuba cu tema
di Christmas; Andrew Curiel cu tema di Ultimate Glam;
Andreina Balza cu e tema di Black
Moon; Endy Croes cu tema di
Aruba y George Bislip cu e tema
di Brazil.

Ya for di e oranan trempan di
diasabra mainta, e modelonan
conhuntamente cu e makeup artists
ta bezig cu nan make-up, p’asina ora
cu e porta habri, e publico presente
por disfruta di e prome Maybelline
New York Fashion Night di Aruba,
ilustrando un fantasia unico di
make-up fascinante y excitante den
cada tema.

Aruba completo ta keda invita pa
haci uzo di e bo ticket y bin disfruta
di e prome Maybelline New York
Fashion Night y experiencia e prome
fashion show di make-up, produci
pa nos propio profesionalnan den
e mundo di beyesa.