Page 29 - AWM 7 OCT,2015
P. 29
AWEMainta Diaranson, 07 Oktober 2015 29
Cu hopi amor dedica na
Birgen di Santisimo Rosario
na Alto Vista
Nos Birgen
di Alto Vista
MAMA MARIA DI ALTO VISTA
Domingo Antonio Silvester di Coro
tabatin un proposito nobel.
E kier a establece un iglesia na Alto Vista
y comberti e indjannan local
den fe Cristian Catolico.
E misionero aki di Venezuela
un humilde kapel a construi.
Y cu su mesun fondonan e ta cab’e.
E murayanan di piedra nan tabata
y e dak tabata di cabana.
Na Mama Maria, nos Mama Santo
el a dedica e kapel construi.
Ta Papa San Pio V a institui
e fecha di 7 di october na Birgen di Rosario,
dia di aniversario dje Bataya di Lepanto.
Santa Maria, Birgen di Rosario
B’a siña Santo Domingo de Guzmán
con pa res’e rosario y su misterionan.
T’esaki t’e herencia cu el a lag’atras pa nos
y nos Domingo Antonio cu humildad a sigui
cu ne.
Mama Maria, Birgen di Alto Vista,
un plaga tragico a core cu hopi.
Te cu e kapel a disparce y na 1952 n’e mesun
lugar
cu perseverancia un otro a wordo construi.
Di regalo a duna Mama y Yuchi, nan corona
mereci.
Santisimo Birgen di Alto Vista,
pueblo di Aruba cu hopi amor ta venera Bo.
Cu hopi amor ta yama Bo danki pa Bo
proteccion.
Cu hopi amor ta gradici Bo pa ta nos Mama,
nos guia y nos Santo Nacional.
P’esey awe Aruba henter ta di fiesta,
un fiesta grandisimo di fe.
Nos tur c’e mesun fe den Mama di Dios,
nos tur c’e mesun idioma spiritual,
ta pidi pa ricibi di Bo, Mama stima, gracia y
bendicion.
Marva J. Solagnier-Marquez
7 di october 2015
