Page 20 - flip utilities

secretario Gilbert Maduro, segundo secretario Reginald van der Linden, comisario Glen Rock.
Esey ta forma directiva di SIWA.
E sindicato a sinta cu e directiva completo di WEB. A elabora cu nan y nan tambe a trece dilanti
e inkietudnan cu tin, como tambe di parti di SIWA, e inkietudnan den pueblo pa haya un
splicacion total di kico ta pasando, Henriquez a comenta.
http://masnoticia.com/sindicato-di-web-nv-tin-directiva-nobo/

Tin hopi preocupacion pa desaroyo financiero di WEB
Aruba NV

· Mar 29th, 2015
· Local

Durante entrevista cu Erick Henriquez kende ta presidente di sindicato di trahadornan di WEB NV a puntre con
preocupante e situacion financiero di WEB ta.
Henriquez a comenta cu e situacion ta preocupa nan. Pesey ta buscando manera pa ta mas cerca di banda di
gerencia. Ta den contacto cu ministernan pa wak ta kico ta pasando y eynan pa elabora y wak ta kico ta e plannan.
Ta hopi biaha por keda pleita kico a bay robez, pero ta yega un momento ta con ta bay drecha e asunto aki, cual ta e
parti di mas importante, caminda hende tin cu compronde con ta bay drecha e situacion aki.
WEB ta den cora, segun presidente di e sindicato y esey no ta un rumor trece den prensa. WEB ta pasando
momentonan sumamente dificil. Ta elaborando con pa Sali for di esaki. Ta decisionnan cu a wordo tuma cu no a bay
manera cu mester a bay. Henriquez ta calcula cu ta na nivelk ehecutivo. Ta busca manera pa Sali for di e situacion.
Ministernan ta envolvi den tur manera den e situacion aki. Na final e cos importante ta, cu e problema aki no mag di
bay bek riba e trahadornan y pueblo. Nan mester wordo salvaguardia pa nan no ta e duppe di e problema aki.
E situacion di hedging mes ta un cuenta cu pueblo caba ta de duppe di e situacion. Eynan ta pega. Ta den discusion
con pa sali for di e situacion.
WEB ta generando su placa tur luna. E pregunta ta unda e placa ta. Segun Henriquez, manera e splicacion cu nan a
haya ta, cu WEB a usa e cash flow pa proyectonan interno. E proyectonan ey no a keda cla na momento cu nan a
keda cla. Esey a dalnan un cara abao cu nan no a keda cla. Eynan e cuestion ta pega.
Semper WEB tabata financia den pasado pa proyectonan. Nan a kere cu nan por a carga e proyectonan actual. Tur
cifra tabata mustra cu nan por a carg’e. Ta ora cu momento di ehecucion, a bin retraso den entregamento di
proyectonan cu no a keda cla. Ora cu nan no a keda cla, e entradanan cu ta suppose di a haya, no ta drentando. Ta
hincando placa den e partinan cu no a keda cla, segun Henriquez.
Pa hopi aña ta tende cu gobierno no ta pagando su debenan di utilidad pa cual aki a puntra Erick Henriquez si esaki
por stroba WEB su desaroyo financiero.
E sindicato a cuestiona e director di kico tin di berdad den esey. Segun Henriquez, ta keda un rumor cu desde 2009
gobierno no ta pagando placa di utilidad. Esey ta cosnan cu ta trece e compania den problema. Por bisa e ora cu
WEB ta den situacion cu hopi NV di gobierno no ta hayando pago. Esey ta trece problema den fondo di WEB.
Henriquez a splica cu a deliver un servicio cu ta wordo produci y no ta hayando e fondo cu a hinca aden pa traha e
producto cu a keda entrega. Esaki ta hinca e compania den un deficit.
SIWA tabata den un reunion cu e minister riba e situacion di WEB NV. E reunion tabata un reunion pa nan a splica
kico ta e intencion cu nan tin cu e situacion financiero cu tin den WEB. Nan a splica cu nan ta hopi vigilante den
cerca. Nan ta den reunion constante cu gerencia. Algun dia pasa tabata tin reunion entre raad van commisarissen y
Utilities den WEB.
SIWA ta cuestionando kico ta pasando y kico tin pa e garantia di trabao y tambe pa Aruba tin su awa y coriente
garantisa. Como sindicato, SIWA durante nan combersacion cu e minister, a haci pregunta con ta para
financieramente cu e salario di e trahadornan y tambe e beneficionan y tambe nan CAO pa mantene tur e cosnan.
Esakinan ta wordo garantisa cu no tin problema cu esaki y tur cos ta bon. Tin cu corda cu ta un bon cos pa tende,
sinembargo tin cu bay pensa un tiki mas leu con pa sali for di e problema aki y pa keda duna pueblo un bon
producto, segun Henriquez.