Page 21 - flip utilities

Retiro di hendenan di raad di comisario di WEB NV no ta trece algun duda den esaki ta loke a puntra Erick Henriquez
kico ta su opion riba esaki.
Un di e comisarionan, ora cu e presion a subi, e mes a entrega voluntariamente su retiro, na unda cu despues por a
ripara cu nombernan a cuminza Sali, unda cu minister a bisa cu e no sa ta di unda e nombernan ey a bin. SIWA ta
bay para pe como directiva di e sindicato, cu nan ta prefera cu tin local pa haya posicion den e conseho. Esey ta un
di e puntonan cu nan ta para pe.
Henriquez a comenta cu den Raad van Commisarrisen ta un aangelegenheid di banda di gobierno. Esey ta gobierno
su prerogativa pa hinca hende aden, pero e sindicato por pone cierto condicionnan pa nan ta local. Den otro
trabaonan, tin cierto trabaonan cu tin cu wak cu tin ora mester bin cu hende di afo pa yuda. Esey ta mescos cu ora ta
haya consehonan manera for di Hulanda. Belastingdienst por ehempel sa trece un team tecnico di Hulanda pa
yudanan.
E trabao ta asina cortico cu no ta trece un hende fulltime riba dje. E capacidad di e trahadornan, gran mayoria, nan
por para pe cu nan sa bon kico nan ta haciendo door di nan añanan di experiencia den e trabao.
Por bisa cu den cas mes tin hende profesional pa atende cualkier cos cu pasa den WEB. E asunto cu nan tin cu wak
awor aki ta e situacion financiero, pero esey no por core dilanti ta kico a bay robez. Cos ta cu tin cu haya sa con pa
mitiga pa e no pasa mas. Tambe tin cu haya sa dicon el a bay asina y pa Sali afor pa cosnan asina no ripiti mas,
Henriquez a bisa por ultimo.

http://masnoticia.com/tin-hopi-preocupacion-pa-desaroyo-financiero-di-web-aruba-nv/