Page 9 - All Ministers 14Jan"15

12 AWEMainta Diaranson, 14 Januari 2015

Segun parlamentario Dangui Oduber

Gobierno no por sigui
castiga pueblo cu
medida sin reduci su
mesun gastonan!

E gobierno aki lo pasa pa historia como e gobierno di medida.
Nunca antes den historia cualikier gobierno di cualkier signatura
a castiga pueblo cu asina tanto medida den un periodo asina cor-
tico. E gobierno aki ta parce di ta un gobierno sin escrupulo y sin
sentidp comun pa nos pueblo.

Tur hende na Aruba actualmente ta sintiendo e efectonan di e
medidanan di e gobierno aki. Comercio tambe ta sclamando y
ta dunando indicacion cu no por carga mas peso. Banco central
a publica un relato caminda nan a trece dilanti cu e confianza di
e consumidor a yega e nivel di mas abou den ultimo anjanan. E
pueblo aki a perde confianza den e gobierno aki y no ta kere tam-
poco cu e situacion lo mehora. den e encuesta cu a wordo haci pa
banco central e consumidor ta expresa su mes den un forma cu e
no tin confianza mas cu e situacion lo bira mihor. Alcontrario e la
perde tur speranza y ta kere cu su situacion financiero lo empeora.

Gobernador di Aruba a compara e situacion actual cu anja 1986
tempo cu Lago e sera su portanan. Asina serio e situacion actual
ta na Aruba. Esnan cu ainda ta pretende cu situacion na Aruba ta
bon ta pasobra nan a perde nocion di realidad y nan no kier ac-
cepta y biba cu e realidad cu e pais aki ta den un deterorio social.
E probreza ta birando visible y nan e cantidad di antraconan ta
dunabo indicacion cu tin algo robez den nos sociedad.

Tur caminda bo bai e efectonan di e medidanan ta wordo sinti.
Ta un lastima con un gobierno por caba cu finanzas publico di un
pais den apenas 4 anja di tempo. Un gobierno cu unicamente ta
pensa riba e siguente eleccion y no riba e siguente generacion. Si
e gobierno aki lo a pensa pa goberna Aruba pa e siguente genera-
cion nan lo no por a derocha placa di pueblo manera nan a haci.
Nos pais a wordo goberna pa hendenan irresponsabel. E siman aki
durante IPKO e miembronan di eerste y twee kamer a bisa Baba
Herde lo siguente: ‘’ KB is toch niet uit de lucht komen vallen’’ Cu
esaki nan kier a ilustra cu for di masha tempo nan ta papiando cu
minister president Eman ariba e situacion financiero di nos pais.
E gobierno aki no a haci ningun hende caso pasobra nan ta kere
cu pasobra nan tin 13 asiento ningun hende por bisa nan nada.

Gobierno ta hibando un maneho castiga y sacrifica e pueblo mien-
tras gobierno mes NO ta reduci su gastonan na un nivel acceptable.
Keto bai gabinete Mike Eman 2 ta conta cu 9 minister. Keto bai e
viahamentonan di ministernan ta sigui. Keto bai promer minister
tin 163 coordinador y mas lamentable ta cu keto bai gobierno ta
sigui derocha placa di pueblo na priorodadnan robez.