Page 27 - BRANDWEER - APRIL 28,2015

Haciendo uso di varios unidad: Bomberonan a combati candela grandi den
Caya Betico Croes

 Apr 28th, 2015
 Local

Cuerpo di Bombero a haya e yamada rond di 9’or y mey di mainta y mesora a activa unidadnan y
a despacha nan pa e candela den Caya Betico Croes. Na un principio a manda 2 unidad na e sitio
pero mesora e Bomberonan na e sitio a solicita pa un di 3 unidad, locual a yega mesora su tras.
Na tur ta papia di un total di mas o menos 20 Bombero na e sitio combatiendo e candela cu pa
11’or d mainta tabata domina. E candela tabata mas parti na e di dos piso, pa cual a bira dificil pa
combati. Bomberonan a keda na e sitio te mas o menos 2’or y mey di atardi pa por a caba di
combati e candela aki, debi cu e dak a cay aden y esaki a haci’e dificil pa por a yega na origen di
e candela. No tabata necesario pa haci uso di e sistema di awa den caya Betico Croes, pasobra
Bomberonan mes tabata tin suficiente ekipo y awa pa combati e candela. Ainda no ta conoci kico
a ocasiona e candela.
Cuerpo di Bombero ta gradici ImSan (Servicio di Ambulance), Cuerpo Policial, Cruz Cora,
Burger King, WEB y NV Elmar pa nan cooperacion den e esfuerzo pa combati e candela y
preveni expansion.