Page 16 - MIN.ON APRIL7 2015

16 AWEMainta Diamars, 7 April 2015

Colegio EPI

Unico scol na
nivel MBO di
Aruba a haya
directiva nobo

Meta principal ta “Beroepsgerichte
Kwalificatiestructuur”

DEN auditorio di Colegio E.P.I, cu representantenan di tur

unidad y departamento a bin hunto pa sera conoci cu e Director
nobo, Martin Richardson. A nombr’e como Algemeen Directeur,
mientras cu a nombra Angelique (Ankie) Danker como Directeur
Bedrijfsvoering. Ambos miembro nobo di directiva tin experencia
amplio den posicionnan di maneho y coordinacion den enseñansa
y den sector priva.
Minister Michelle Hooyboer-Winklaar a disculpa su mes pa su falta
di stem, pero no por a keda sin presencia e introduccion di directiva
nobo y ta mira cu Colegio E.P.I. ta drentando den un era nobo cu
diferente cambio, tanto na nivel di organisacion como tambe den
e estudionan cu ta ofrece.

“Nos tin retonan nos dilanti, pero e confianza t’ey y nos lo haci di
E.P.I. un scol cu lo sa di brinda e mihor educacion pa nos comu-
nidad”, asina Minister Michelle Hooyboer-Winklaar a bisa esnan
presente.
Economia di Aruba mester di esaki, buscando profesionalnan cali-
fica cu potencial di desaroyo, a base di e educacion aki lo percura
pa mihor empleo. Establece metanan decisivo cu ta necesario pa
mihor futuro pa desaroya y profesionalisa.

“Nos ta concentra awor pa caba aña escolar 2015 cu hopi exito y
mientras cu nos ta haci esaki ta combersa cu nos hendenan pa mira
na unda nos ta ahusta programanan”, asina Angelique Danker,
Directeur Bedrijfsvoering, kende a sa di fungi como Director su-
plente ta relata.
“E.P.I mester di diferente facelift y esun di mas grandi sigur lo t’e
introduccion di Beroepsgerichte Kwalificatiestructuur BKS”.
“Nos mester comprende cu nos studiantenan ta riba un nivel masha
halto y pa yega na nan nos mester profesionalisa desaroyo di nos
docentenan y cambia structura pa nos keda na mesun nivel”, di
acuerdo cu Martin Richardson, e Director nobo na Colegio E.P.I.

E Director entrante na Colegio E.P.I a traha pa varios aña den “Man-
agement Begeleiding” y “Arbeidsvoorziening” na Sociale Zaken na
Hulanda y cu e background aki, teniendo cuenta e cambionan cu
kier implementa, Aruba ta riba e ruta ideal pa educa y prepara e
hubentud como profesionalnan cla pa conkista fronteranan nobo.
Colegio E.P.I ta boga pa forma profesionalismo y personalidad y ta
kere den honestidad, confianza, disciplina, motivacion y respon-
sabilidad. Nan ta conta cu un total di 136 docente y 53 personal
di sosten y 1700 alumno reparti den 4 unidad.