Page 23 - Min.sja

Cueste loke cueste trahadornan di Riu

Hotel kier pa FTA ta nan sindicato

Marlen ta un trahador di Riu Hotel for di exterior y el a haya su mes ta sinta cu su
hefenan pasobra nan no kier pa e bira miembro di sindicato FTA. Despues cu el a Sali
for di reunion, el a Sali pafo y a reuni cu su coleganan y a bisa bon cla cu e kier pa FTA
ta nan sindicato pa asina nan por yudanan.
Marlen tin 4 aña na Aruba y el a declara cu Recursonan Humano a yam’e tocante di su
pakete. El a sigui splica cu ora cu el a yega, e no a wordo ofreci ningun pakete, pero si
nan a pidie pa kita for di abogado, cu e ta contra di e hotel, cu e no ta gustanan, y a
puntre kico kier pa e haci. El a exiginan su salario y tambe tur beneficio.
Marlen ta na Aruba y no tin beneficio di nada. El a sigui bisa cu si wordo yama pa
pakete nan dune un bon balente suma pa asina e por sigui su caminda.
Marlen ta sinti su mes intimida na pia di trabao. Nan ta haci abuso cu e trahadornan y
tambe maltrata nan. E trahadornan ta pasando den hopi problema cu e hotel.
E sindicato kier drenta y segun Marlen ta bringando pa haya e sindicato. E hotel
sinembargo no kier y ta pushanan cu palabra. Nan a laga sa cu den ningun
circunstancia nan no por gana e hotel. Pasobra nan tin poder.
Marlen a laga sa cu e trahadornan ta bay pa nan. Nan ta bay mustra nan poder pasobra
ta sindicato nan kier, el a finaliza.
http://masnoticia.com/cueste-loke-cueste-trahadornan-di-riu-hotel-kier-pa-fta-ta-nan-sindicato/