Page 22 - MIN ON

10 AWEMainta Diabierna, 15 September 2017

Aruba Bank a sostene simposio di “Good Governance”

ARUBA Bank ta apoya iniciativanan local cu ta
duna sosten na democracia di nos pais Aruba.
Den cuadro di esaki a scohe pa yuda Stichting
Deugdelijk Bestuur Aruba (SDBA) y Universidad di
Aruba pa tene nan simposio di “Good Governance”
cuminsando dia 12 di september.
E simposio aki a enfoca rib’e uzo di autoridadnan
representativo dor di haci cosnan den e forma moral-
mente/legalmente corecto. A resalta e uzo necesario
di un compas moral cu ta funciona y e sistema di
“checks and balances” como mecanismo di regulacion.

Durante di un periodo di tres (3) dia un gran cantidad
di persona por a presenta varios discurso tocante di e
calidad di gobernacion na Aruba, Caribe Hulandes y
mundo y e efectonan of consecuencianan di cambio
den esaki. A trata e importancia di e responsabili-
dad personal p’e desaroyo di comunidad y e rol di
emancipacion di hendenan muhe pa realisa “good
governance”. Como clausura tabatin tayernan riba
mehora e sistema di “checks and balances”, diseño
den modelo democratico nobo, y e expancion di e
movemento di iniciativa.

A conta cu oradornan internacional como local, ken-
denan tabata sra. Willeke Slingerland, investigado
di Saxion University of Applied Sciences, Academy
of Governance, sra. Nelly Schotborg, investigado di
fraude y corupcion den islanan Caribense di Reino
Hulandes y sr. Armand Hessels di Aruba, kende ta e
fundado di SDBA.