Page 26 - MIN ARENDS_Neat

MINISTER MR. DRS. RICHARD ARENDS
DURANTE SMALL BUSINESS EVENT
NEGOSHINAN CHIKITO TA WES’I LOMBA
DI NOS ECONOMIA

July 10, 2017 Admin Uncategorized Leave a comment

E ta orguyoso cu e evento a logra inspira hopi futuro comerciante

ORANJESTAD, Aruba: “E tabata un evento sumamente exitoso, cu un sala
completamente yen di comerciantenan existente pero tambe di tur esunnan cu
tin un soño of un idea, un vision, pa bin cu nan propio negoshi”, asina mr. drs.
Richard Arends, Minister di Asuntonan Economico y di Comunicacion a bisa
diasabra merdia despues di a atende “Small Business Event” den Renaissance
Convention Center. E meta di e conferencia tabata pa duna informacion pa
esunnan cu tin negoshi caba of kier lanta un negoshi nobo. E di dos meta ta pa
inspira. Gobierno di Aruba ta desaroyando 4 top sector den nos economia, cu ta
logistica, industrianan creativo, importacion di conocemento di tecnologia limpi y
a invita 4 orador cu a representa cada un di e cuater areanan aki.

“Y e meta pa inspira ta pa asina tur esunnan cu kier cuminsa cu un negoshi, pa
nan tuma e paso ey y bira un comerciante local. Gobierno t’ey pa facilita, pa
trece e partidonan hunto, trece e hendenan hunto y den e breakout
sessions tabata yena cu informacionnan hopi practico”, di acuerdo cu Minister
Richard Arends.

“Como Minister encarga cu Asuntonan Economico, mi por aprecia un mainta di
hopi satisfaccion y mi ta spera sinceramente cu despues di e evento aki e lo
desemboca den negoshinan nobo cu sin duda lo aporta na diversificacion di nos
economia pero tambe pa yuda fortalece nos economia. Con cu bay bin,
negoshinan chikito y mediano ta e weso di lomba di nos economia. Y nos tur
mester sigui nutri e simia ey di ta un empresario Arubiano”, asina e mandatario a
termina bisando.