Page 30 - MIN ARENDS_Neat
P. 30
Social
DEN UN RENAISSANCE
CONVENTION CENTER
COMPLETAMENTE YEN:
SMALL BUSINESS EVENT A
LOGRA SU META: INSPIRA!
ORANJESTAD, Aruba
Participantenan a keda satisfecho cu informacion presenta
Diasabra ultimo Ministerio di Asuntonan Economico a organisa “Small Business Event” den
Renaissance Convention Center. Durante e evento a enfoca riba e 4 top sectornan cu ta defini e
maneho economico di Gobierno, cu ta e areanan di industria cu ta ofrece oportunidadnan economico
pa desaroya.
E inversionnan cu Gabinete Mike Eman II a haci e ultimo 8 añanan pa loke ta trata infrastructura y
tambe calidad di areanan publico, a resulta den 5 area fisico di oportunidad rond di nos isla. Ta trata
aki di e area rond di refineria, e area rond di waf di carga na Barcadera, e area rond di waf di crucero
na Oranjestad, e area rond di Hospital y tambe areanan rond di e obranan infrastructural cu a
inaugura recientemente. E cinco areanan aki nos kier desaroya a base di e 4 top sector di
actividadnan economico.
Puntonan cu a enfoca diasabra tabata ingredientenan con pa inverti den calidad humano, expansion di
bo negoshi, tecnologia limpi, logistica y tambe industrianan creativo.
