Page 32 - MIN ARENDS_Neat

editor 47 SECS
POST VIEWS: 5
POSTED ON JULY 09, 2017, 7:58 PM

ORANJESTAD, Aruba

“Nos ta hopi contento cu despues di 3 of 4 aña atrobe tin e Small Business Event. Nos ta hopi
contento cu e evento, cu tur e presentadonan”, asina Kawish Misier, Vice Presidente di Camara di
Comercio a duna di conoce despues di e mainta exitoso di Small Business Event.

E ta haya cu ta masha importante cu nos ta cuminsa enfoca riba Small Businessnan, ya cu e economia
di Aruba ta draai riba negoshinan chikito. “Y awe ta un otro prueba cu si nos tur bini hunto pa

comparti nos conocemento y nos ideanan, cu nos por inspira otro pa bay dilanti, cuminsa cu nos
propio negoshi y di ta exitoso”.

Un di e presentadonan a menciona cu companianan grandi no por haci cosnan unico of pasobra nan
tin cu haci cosnan grandi so, mientras cu negoshinan chikito si por haci esaki sin problema. Nan por
enfoca riba e oportunidadnan unico, “niche markets” pa asina contribui na nos economia asina.

“Camara di Comercio desde un principio a mustra masha interes den e evento aki, a manda invita tur
nan miembronan pa ta presente, pasobra cada evento cu ta yuda crea mas negoshinan chikito, semper
por conta cu sosten y colaboracion di Camara di Comercio”, asina Kawish Misier a termina bisando.

DURANTE ‘SMALL
BUSINESS EVENT’
MINISTER ARENDS A
ENFOCA RIBA E METANAN