Page 7 - WEB
P. 7
EcoGas a ricibi bishita di Consul General di Merca di cual e
gerente di e planta, Ramsey Halabi, a topa cun’e.
Margaret D. Hawthorne, “US Consul General and Chief of
Mision to the Dutch Caribbean”, a ricibi un recorido p’e haya
sa kico tur ta haci den e planta. E merdia tabata uno masha
ameno mes, unda cu Ramsey Halabi a splica di e trabounan
di preparacion, e reto, e logronan y e forma profesional con
ta procesa desperdicio y deshaci di dje na un forma eficiente.
“El a keda hopi impresiona. E ta hopi den e mundo di waste
energy”, asina Ramsey Halabi a expresa despues di e
encuentro.
Margaret Hawthorne ta fascina cu e mundo ey y e ta hopi
interesa den dje. Tambe e sa hopi di e materia aki.
E combersacion tabata uno ameno di cual hopi idea a bin
dilanti, pero Margaret Hawthorne tambe a bin cu idea y
sugerencianan riba mesa, locual EcoGas a aprecia. A cana
rond cu e Consul, p’e mes admira y experiencia con e planta
ta funciona.
