Page 9 - WEB
P. 9
Un otro meta ta pa EcoGas sirbi como ehempel pa otro
paisnan y bende e experticio cu otro pais y companianan den
exterior.
Aruba actualmente tin 100 pa 110 mil ton di sushi
anualmente cu por procesa den e planta. Esaki ta exclui sushi
manera santo, piedra, concret, etc. cu ta wordo procesa na un
otro forma.
Pa un isla manera Aruba cu 100 mil habitante y un miyon
turista pa aña, esaki ta un cantidad hopi grandi di
desperdicio, pero mester tene semper den mente cu Aruba ta
importa tur cos y no ta fabrica nada cu ta uza e materialnan
importa localmente. Hasta paña cu no ta wordo uza mas ta
wordo tira afo, tanten cu na hopi otro pais hasta paña ta
wordo recicla y exporta.
EcoGas ta traha cu personal tecnico bon entrena, y ta sigui
train mas personal p’asina nan ta cla pa exporta e experticio
pa otro pais y companianan interesa den sigui e pasonan di
EcoGas.
