Page 19 - AWEMAINTA OCT 17 2020
P. 19
Diasabra, 17 October 2020 AWEMainta Corsou 19
Defensa ta desplegá èxtra militar pa
vigilancia di costanan marítimo y ta pa
sostené Wardakosta den Region Karibe
WILLEMSTAD - E militarnan ta ehersé obser-
vacionnan èxtra n’e costanan. E despliege èxtra
aki ta necesario pa reconocé posibel yegadanan
na tera, di hendenan indocumentá na tempo.
E sosten ta keda hací pa tanto forsanan militar
di e bataljon ‘Compagnie in de West’,
como pa Milicia di Còrsou.
Defensa a dicidí pa haci esaki, despues di un
peticion pa yudansa di parti di autoridadnan
di Còrsou, pa sostené Wardakosta cu observa-
cionnan di costa. E esfuerzo èxtra ademas ta
funcioná preventivamente contra di contraban-
da y traficacion ilegal di arma y droga.
E bataljon ‘CIDW; ta specialisá tanto den ober-
vacionnan mobil (den esaki nan ta move sea na
pia
of den vehículo), ademas di den observacionnan
‘státiko’, caminda nan ta tene áreanan di aten-
cion
specífico bou di observacion na un forma oculto.
Sosten n’e autoridadnan civil ta un di e tres
tareanan mayor di Defensa den Region Caribe.
Esaki ta sosedé na diferente forma, cuminsá cu
yudansa den calamidad na momento di orcan,
te na sosten di Cuerpo Policial of Wardakosta.
