Page 24 - KPA - JUNI 16,2015

criminalidad B7
Diamars 16 Juni 2015
Chauffeur bou di influencia
ta ocasiona accidente
ORANJESTAD—Polisnan durante patruya ta mira un auto Mitsubishi Lancer cora na
haltura di Talk of the Town. A resulta cu e chauffeur di e auto A-44029 a perde control y
a dal contra un auto staciona A-30445. E chauffeur di A-44029 , D.F, tabata hole alcohol
y a keda deteni pa core auto bou di influencia. E chauffeur tabata asina burachi cu e no
tabata den estado pa haci e test di supla.
Hobennan haya cu yerba parecido
na droga
ORANJESTAD— Durante control preventivo riba e parkeerplaats di Senjor Froggs,
polis a controla un cantidad di hoben. Durante control, polis a haya un saco di plastic cu
yerba parecido na marihuana, banda di e pianan di e hoben J.A.M. Tur cinco mucha
homber a keda deteni pa posicion di droga. Ta trata di e hobennan N.J. , G.G., S.L., C.T.
y E.D.
Muhe haya cu droga den cartera
PALM BEACH— Polis durante ristamento preventivo na Moomba Beach, polis a topa
cu cuatro persona. Ora cu Polis a controla, nan a haya dos sakito cu marihuana den cartera
di un muhe. E muhe a keda deteni pa posicion di droga y hiba warda di Polis na Shaba.
Homber haya cu marihuana den tas
PALM BEACH— Polisnan durante accion di ristamento preventivo tras di Upstairs,
a rista e homber G.B. na su curpa. E tabatin un tas na su garganta, den cual a haya dos
sakito cu marihuana. El a keda deteni pa 01.10 y transporta pa warda di Polis na Shaba.
E sospechoso H.F.V.D. tambe a keda deteni na haltura di Señor Froggs, pa motibo di tin
droga den su poder.
Polis di San Nicolas cu hopi trabou
di ristamento preventivo
SAN NICOLAS— Polisnan a tene control riba caminda publico den cayanan di San
Nicolas, na Mabon, Pos Chikito y Sabana Basora, pa posicion di droga. Durante e con-
trol aki, e siguiente luganan a keda controla y a detene dos persona. Den cayanan di San
Nicolas, durante patruya na pia, den Rembrandstraat, pabou di Ex New York Bar, polis
a constata cu un auto tabata toca musica duro riba caminda publico. E doño di auto a
wordo bisa pa paga e musica. Eynan polis a rista tres persona. Banda di Batidos Radin,
polis a constata cu otro auto ta tocando musica duro, E doño di e auto aki tambe a wordo
bisa pa paga e musica. Na haltura di Copa Cabana, pafo riba stupi, polis a mira algun di
e muhenan para banda di Fantasy Bar riba caminda grandi. Nan no tabata bisti adecuado
y polis a papia cu nan y bisa nan pa drenta den e bar. Tambe polis a papia cu e doño di
Copa Cabana, pero e no tabata rasona. El a bisa cu e muhenan trahando dilanti su bar, no
ta haciendo nada malo. Polis a bisa un biaha mas si nan wordo haya para dilanti di e luga
nan ta detene nan. El a compronde y a bisa e muhenan drenta paden.
Kiebro den un cas na Sabana Basora
SABANA BASORA- Polis a bay na un cas na Sabana Basora, pa motibo cu un bentana a
wordo kibra. Eynan polis a topa cu e habitante D.C. kende ta bisa cu nan a kibra e bentana
parti panort di su cas. E ta sospecha cu ta su bisiña a haci esey. A resulta cu un tal Peru
tabata na e adres SBN 81. Polis a bay na e adres y haya tres otro mucha homber. Polis a
rista na nan curpa y a tuma keho di destruccion.
Mucha homber cu arma blanco riba dje
POS CHIKITO- Polis di bario, a haya e mucha homber C.C. cu un sker den su tas. Ora
cu a puntra e hoben kico e ta haci cu e sker den su tas, el a bisa cu e sker ta di scol y pa
motibo cu e ta bay scol cu e tas, e sker a keda den e tas. Polis a confisca e sker pa preven- ta traha duro riba proteccion y desaroyo di nos turismo, pero
cion. Despues Polis a bay na e bar Tio Pepe, na Pos Chikito. Riba caminda, polis a topa
cu cinco homber y un muhe den Malohiestraat, pariba di Scobillostraat. E grupo aki ta
conoci como uzado y bendedo di droga. Ora cu Polis a rista nan, polis a haya un machete
riba e homber R.A.K. y un cuchiu y dos sigaria di marihuana riba e muhe O.J.R. E sos-
pechosonan a keda deteni y hiba warda di Polis.
Ronella Tjin Asjoe-Croes:
Turismo ta e pilar
economico
ORANJESTAD- Desde cu nos isla a dicidi pa enfoca
mas riba turismo, pa ta un pilar importante pa nos eco-
nomia, semper Aruba Tourism Authority a organisa
campañanan nacional den un esfuerso pa conscientisa
comunidad mas riba nan rol pa cu exito di nos turismo.
“Aruba ta bendiciona cu algun paisahe unico, beach-
nan blanco y bunita. Pero e rikesa natural di mas im-
portante, ta keda nos hendenan”, asina Ronella Tjin
Asjoe-Croes, C.E.O. di Aruba Tourism Authority a bisa
na ocasion di lansamento di e campaña di conscientisa-
cion “Duna Aruba e miho di Bo”.
Mas y mas atencion riba kico cada un di nos por haci como
un compromiso serio pa yuda mustra e miho cara na e turista,
pero tambe na nos conciudadanonan, ta di vital importancia.
Ta importante pa e turista regresa, pa nan pasa bon y pa nan
gasta hopi. E turista mester sinti su mes na cas ora e ta na
Aruba!
Cu e idea ey den mente y cu e meta pa sigui enfoca riba hisa
nos calidad pa asina nos por sigui entre otro atrae turistanan
afluente, a lansa e campaña nobo “Duna Aruba e miho di Bo”.
Claro cu e campaña ta enfoca riba e sector turistico, pero tam-
be riba e hecho cu dunando Aruba e miho di bo ta bon pa nos
turismo, pero tambe bon pa nos comunidad completo. Pues
ta esencial pa bo duna e turista e miho di bo, pero tambe bo
famia, bisiña, colega, amigo nan etc.
Recientemente Aruba a subi for di posicion tres pa posicion
un di e paisnan cu mas ta depende di turismo como entrada
pa nan economia. Cu e realidad ey den mente, ta pone cu nos
mester uni pa di un forma of otro, duna Aruba e miho di nos,
pa por sigui crece y mantene e nivel di calidad di turista cu ta
bishita nos sea via avion of crucero y pa nos simplemente biba
den un comunidad feliz. Corda, e slogan di Aruba ta “One
Happy Island”.
Departamento nobo
Aruba Tourism Authority a caba di cuminsa cu un departa-
mento nobo cu tin como tarea pa percura cu ta mantene nos
mes na e promesa na e turista di ta un destinacion di calidad.
Kier ta sigur cu e servicio ta di un nivel halto y si kier sigui hisa
e calidad di turista cu ta bishita nos, nos tambe mester hisa e
nivel di servicio cu nos ta brindando.
“Aruba no tin refineria mas pa algun aña caba y cu e realidad
ey den nos presente, awe turismo no ta un di e pilarnan di nos
economia, sino e ta E PILAR di nos economia”, asina Ronella
Tjin Asjoe-Croes a enfatisa. E ta pone un presion enorme riba
nos tur, tanto Aruba Tourism Authority como e instancia cu
tambe e ta un presion riba henter nos comunidad.
“Ta importante pa nos tur, abo, ami y e...nos tur duna Aruba
lo miho di nos pa sigui crece, sigui progresa y pa ta e miho
destinacion pa turistanan cu kier pasa un vacacion familiar,
haci un biahe di trabou, pa honeymoon of djis pa relaha un
rato di e bida ocupa di tur dia”, di acuerdo cu Ronella Tjin
Asjoe-Croes, C.E.O. di Aruba Tourism Authority.q