Page 29 - KPA JAN 27
P. 29
34 AWEMainta Diaranson, 27 Januari 2016
A nota menos mirones banda di caminda TA for di tempran Cuerpo Policial
Muchanan a gosa di nan Aruba a cuminsa cu preparacionnan
parada na San Nicolas relaciona cu e parada di mucha den
cayanan di San Nicolas. E parada a
Cuerpo Policial cu 115 Polis riba pia pa guia e parada sali net 2:00pm, mientras cu e prome
grupo a yega final 5:45pm, cu ta un ora
aceptabel y segun a planea adelanta.
Polis ta raporta cu e muchanan par-
ticipando a gosa masha, mientras cu e
cantidad di mirones tabata menos.
E parada di San Nicolas a conta cu 7
grupo cu mas di 700 participante. E
gruponan tabata Champagne Carni-
val Group (125) cu e tema “Barbie
Rockers” compaña pa Tsunami, Little
Dreamers (100) cu e tema “Dream Car”
tambe cu Tsunami, Little Groovers (75)
cu e tema “Under the sea”, Nos Futuro
(80) cu NBO, TOB (175) cu e tema “Su-
per Heroes” compaña pa e bandanan
D’Vibe y N’Fuzion y Deja Kids (75) cu
e banda 4Real.
Claro cu separa di e gruponan tabatin
e carosa di apertura, brassband, e Prins
cu Pancho hunto cu e Reinanan, North
Stars Steelband y BMW cu a sera e
parada cu un tremendo “Last Lap”.
Na tur tabatin 115 Polis riba pia du-
rante e parada, cu ta inclui Polisnan
Uniforma di “Straatdienst”, Polis di
Unidad Canino K-9, e ekipo “Mobiele
Eenheid”, e ekipo riba bicicleta, e ekipo
riba bromer, Recherche na civil y sin
lubida e personal administrativo cu a
atende cu multanan.
Aunke cu durante e parada tur cos a
cana relativamente bon, despues di
parada a nota varios pelea pa cual a
detene no menos di 8 persona.
Un di nan a hasta haya cu un arma
blanco straño, un arma nobo, pero
masha peligroso.
Cuerpo Policial Aruba ta prepara p’e
siguiente fin di siman, den cual lo tin
varios evento Carnavalesco, manera
Jouvert Morning, Lighting Parade
Oranjestad y Parada di Mucha na
Oranjestad.
E intencion ta pa participantenan por
luci nan disfrasnan y gosa tur mo-
mento di e parada y mescos ta conta
pa mirones.
Cu un grado halto di tolerancia, Cuerpo
Policial ta conta cu e cooperacion di
comunidad pa un bon comportacion,
combina cu e cautela necesario den
trafico y pa tuma e medidanan preven-
tivo di seguridad na cas.