Page 9 - MIN JUS

Dienst Huur- En Consumentenzaken Ta Informa; Den

Cuadro Di Keho Recien Contra Banco Cu A Blokia

Cuenta Di Cliente

 Local
- 22/06/2017

Den cuadro di e caso ultimo di blokiamento di cuenta di banco pa falta di un extracto di
censo, Dienst Huur- en Consumentenzaken a revisa:

E comunicado cu e banco a saca den medionan di comunicacion;

Copia di e carta cu e banco a manda rib’e topico pa su cliente(nan);

Copia di e condicion nan general di e cuenta coriente di e banco concerni y

E ley contra terorismo y labamento di placa.

Ora cualkier negoshi ta saca un comunicado den medionan di comunicacion local, e tin di
compronde cu e ta manda informacion pa otro hende tambe cu no necesariamente ta su
cliente.

Ademas di esaki, un comunicado den medionan local no ta garantisa cu e informacion ta
alcansa e cliente.

Pa comunica informacion importante pa cliente cu ta afecta e servicio cu e cliente ta uza
directamente e banco por scoge pa haci esaki den persona, telefonicamente of via carta/
e-mail.

Un comunicado den corant of anuncio na radio of television no ta wordo considera
suficiente.