Page 105 - Minister Alex Schwengle

Djaluna 1 Febrüari 2016 47

...Di akuerdo ku
parlamentario Eugene

Cleopa...

MESTER POR
YEGA NA UN
MODELO PA
SUBI SUELDO

MINIMO

WILLEMSTAD.- I
parlamentario sr. Eugene
Cleopa ta kontinuá riba e
krusada ku el a kuminsá
masha tempu pa oumento
di sueldo mínimo. E ta
konvensí ku sueldo mínimo
lo mester por subi den fase
pa kana yega na fl. 2.500.-
. Segun Cleopa, despues ku
el a lansa e proposishon na
final di aña 2015 tokante
sueldo mínimo ku ta
demasiado abou, kaminda
el a papia pa ban diskutí
enkuanto subida di sueldo
mínimo den fase te na 2.500
pa luna, el a tuma nota
ku mas organisashonnan
polítiko ta kompartí su
opinion i e lucha ku el a bin
ta hibando.

Esaki no opstante ku e
mesun organisashonnan
polítiko aki a sali kuestioná
su persona ora el a sali ku
e posishon pa hisa sueldo
mínimo i kana yena den un
plan di mas aña te na 2.500
pa luna. El a wòrdu hasta
tildá di ta populista i di ta
hasi polítika ku e tópiko
aki. Pero e ta kontentu ku
awor e wowonan a kuminsá
habri. Segun Cleopa, e ta
hasi un yamada serio na
mas organisashon polítiko i
otro instanshanan di interes
den nos komunidat pa nan
tambe sali na bienestar di e
klase trahadó mas marginá
di nos mèrkado labor.

Te ainda e hecho ku
resientemente gobièrnu
a indeksá sueldo mínimo
ku solamente 5 sèn pa
ora i e proposishonnan
ku resientemente a subi
mesa ku por ehemplo pa
subi sueldo mínimo den
fase te na 10 florin pa ora
na su pareser ta muchu
abou ainda. Ta parse ku
tin un “buraku” grandi
entre e lokual ku sierto
organisashonnan polítiko
ta proponé pa subida di
sueldo mínimo kompará ku
e realidat den ki situashon
esnan ku ta kobra sueldo
mínimo ta bibando aden. E
ta konvensí ku nos mester
por diskutí riba un subida
mas supstansial referente

Sigui lesa pagina 55