Page 106 - Minister Alex Schwengle

48 Djaluna 1 Febrüari 2016

Kontinuashon di pagina 16
RBC A DUNA KLIENTENAN

“Pa splika na un manera
simpel: imaginá bo mes ku
bo kompania ta un outo.
Planiamentu di e cash flow
ta e gasolin ku bo tin ku
primi pa bo kompania por
kore. E kòntròl interno ta
e motor di bo kompania
i e audit interno ta e
service ku bo mester duna
bo outo. Informashon di
management ku ta up-
to-date i konfiabel ta bo
dèshbord: bo mester sa kon
duru bo ta koriendo awor
aki. No algun luna òf un
aña pasá, awor aki”, asina
Biervliet a splika.

Gruppen a amplia riba e
importansha di planiamentu
di cash flow. “Ganashi ta un
opinion. Cash flow ta un
echo.

Asta kompanianan
ku tin ganashi por wòrdu
konfrontá ku problemanan
ora ku un debedó keda sin
paga. Ora ku un empresario
ta buta e parti di sèn na
promé lugá, su kompania
lo sobrebibí riba término
largu. Esaki alabes ta yuda
e management dirigí su
atenshon riba kòntròl di
gastunan, mehorashon di
kobransa di montantenan
atrasá i subida di e ganashi
di e kompania”, asina
Gruppen a deklará.

Tantu Gruppen
komo Biervliet a splika
detayadamente kon tin
ku apliká e proseduranan
korekto pa kòntròl interno
pa asina prevení ladronisia,
froude i reportahe inkorekto.

Russell Kopke, e Area
Vice Presidènt di RBC na
Kòrsou i Boneiru a splika:
“Lokual públiko por saka for
di e seshon informativo aki
ta ku banko no por ninga e
kliente, ku tin e konseptonan
básiko den su poder fásil.
Esaki ta konta sigur ora bo
tin un grupo profeshonal
manera Santé Finance ku
ta kompilá bo informashon
pa bo.” Pierrot Hurtado, e
Country Manager di RBC na
Kòrsou i Boneiru, a gradisí
e oradónan i e invitadonan
pa e seshon di informashon
i a bisa: “Keda hasi lokual
boso ta hasi mihó i laga e
profeshonalnan hasi sobrá.

Muebleria Myriam Trading

Bo adrès pa fura muebles.
Tambe nos tin un surtido

di tela pa fura stoel
i tela pa kortina.

Winston Churchillweg 116
Tel.: 888-6690.