Page 4 - min soc july 6

Pagina 16 Dialuna Juli 6 2015

Croes Tolk & Vertaal
Instituut ta entrega
prome dos diploma
Inleiding Vertalen

Diahuebs dia 2 di Juli directora, mr. drs. H.D. Croes, di
Croes Tolk & Vertaal Instituut na Pos Chiquito a haci
entrega di su prome diplomanan na dos studiante esta,
Sanghita Muntslag y Georxinia Croes. Nan a wordo
selecta di 12 candidato pa por a sigui e curso Inleiding
Vertalen riba nivel HBO. Entrega di diploma a tuma
lugar den ambiento Cubano, na e restaurant Cubano
Rincon Criollo, na Savaneta, unda e doño Enrique a sirbi
nos personalmente cumindanan tipicamente Cubano. E
studiantenan a finaliza un curso intensivo di 12 siman,
dos ora pa siman, den grupo di dos persona. E curso
tabata encera: Traduccion Spaño-Hulandes y Hulandes-
Spaño, Gramatica Hulandes y Spaño. Docente di e
curso, mr. drs. Helena Croes, hunto cu su studiantenan
a traha hopi duro mes pa logra e examen final cu exito.
Traduci di Spaño-Hulandes y Hulandes-Spaño no ta un
disciplina facil. Aunke na Aruba hende ta di opinion cu
ta domina e idiomanan Spaño y Hulandes, e realidad
ta otro. Ademas na Aruba no tin docente di primer
grado specialisa den didactica di Traduccion, Ciencia di
Traduccion y Interpretacion. Croes Tolk & Vertaal Instituut
si tin conocemento universitario y experiencia extenso
den Traduccion y Interpretacion literario y huridico.
Na Augustus e Tolkvertaalopleiding mes ta start, cual
lo tin un duracion di tres aña y consiguientemente un
specializacion di un aña pa Juridisch Vertalen y/o
Gerechtstolk. Diploma Inleiding Vertalen ta un di e
rekisitonan pa por sigui e Tolkvertaalopleiding. Y si un
persona tin un excelente dominio di Spaño-Hulandes y
ta desea di sigui e curso di Inleiding Vertaling den luna
di augustus 2015, tambe e por tuma contacto cu Croes
Tolk & Vertaal Instituut; lugar ta limita y admision lo ta a
base di seleccion.
Croes Tolk & Vertaal Instituut
mr. drs. H.D. Croes
Pos Chikito 61, hdcroes@gmail.com
5846171/5944271