Page 5 - min soc july 6

Hobennan ta nomina Minister Paul Croes como Poder di
Hubentud

Publication: Monday, 6 July 2015. Categoria: General

ORANJESTAD (AAN): Tabata un momento hopi emocional pa Minister di Hubentud Paul
Croes, ora cu e hobennan nomina pa Poder di Hubentud a nomina e Minister mes como un hoben
poderoso.
Minister Paul Croes a keda sorpresa pa e hobennan durante e evento di Feria Social. Proyecto
poder di hubentud ta un proyecto unda famianan, conocirnan, lidernan den nos sociedad y
amistadnan ta nomina hobennan cu ta destaca den nos pais. Varios ramo di liderazgo por wordo
nomina. Sector di Trabou, Boluntario, den Deporte, comunicacion, den actividadnan Social y
mas.
Ya caba tin 15 nominado y e siman cu ta bin ta ser e cantidad di 20 kendenan lo ta participando
pa gana un bunita premio di 5000,- florin den e luna di Augustus. Famianan, juffrouwnan di scol,
amigo y amiganan ta nomina hobennan cu ta hasiendo trabaonan grandi pa nos pais. Minister
Paul Croes a keda hopi contento pa e aprecio mustra pa e hobennan di Poder di Hubentud.
Ademas durante e actividad aki tambe a nomina 2 hoben mas cu ta T’Jay Farro y Q Maduro.
Ambos hoben a destaca durante evento di Feria Social unda nan tabata responsabel pa recluta
100 hoben pa yudanan pa hasi trabou boluntario.
Minister Paul Croes tabata hopi contento cu e actividad di Feria Social y tambe cu e hobennan di
Poder di Hubentud.

http://www.diario.aw/2015/07/hobennan-ta-nomina-minister-paul-croes-como-poder-di-hubentud/