Page 25 - AWEM 070415

AWEMainta Diamars, 7 April 2015 25

DIABIERNA ultimo un grupo grandi di hendenan devoto a presencia e

dramatisacion di e Crucificacion di Cristo na Dakota. Aki e pueblo por a biba e storia di
Hesus di Nazaret atrobe, kende Su morto ta wordo recorda riba Bierna Santo. E dramatisacion,
acompaña pa e oracion di e pueblo tin varios aña caba tumando luga y ta mas y mas hende ta bin mira e
presentacion cada aña.

Tur aña, Cristiannan tur rond di mundo ta tuma tempo durante Cuaresma pa reflexiona ariba e morto di Hesus
riba e cruz na Golgotha, mas di 2 mil aña pasa. E temporada aki ta culmina cu e dianan di Siman Santo, caminda
ta recorda morto di Hesus riba diabierna, y e resureccion di Cristo riba diadomingo.

E resureccion di Cristo ta pa Cristiannan e dia mas importante pa recorda y celebra, ya cu henter e fe Cristian
ta mara na e resureccion fisico di Cristo-Hesus.