Page 33 - AWEM 070415

32 AWEMainta Diamars, 7 April 2015

E proceso a tuma su tempo, pero

Durante e siman di 13 april lo cuminsa
renoba y expande Colegio San Antonio

UN dicho cu ta duna realse awe na loke Colegio San Antonio a pasa

aden ta “Lo bueno se hace esperar”. Despues di basta tardansa, awor
porfin a drenta e grato noticia cu e proyecto di renobacion y expan-
sion di Colegio San Antonio na Sta. Cruz ta completamente aproba.
Desde cu e mandatario actual, Minister Michelle Hooyboer–Winklaar,
a tuma enseñansa na su encargo, e proyecto aki tabata den proceso
di preparacion.
Mirando cu aki ta papia di un proyecto di mas di 11 miyon florin, a
opta pa sinta cu tur stakeholders un biaha mas na mesa p’asina sigura
si enberdad tur loke tin riba papel ta berdaderamente necesario.
Esaki a tuma lugar, na varios ocasion y hunto cu cabesante y tur demas
partido a yega n’e concepto final p’e scol y a reduci e costo cu 4 miyon.
E motibo tras di e ehercicio aki, cu a tuma su tempo, a conduci cu por
aloca fondonan awor pa drecha un otro scol cu tambe tin mester di
renobacion.
Unicamente dor di haci tipo di ehercicionan asina, por yega na aloca
fondonan necesario pa por drecha mas scol.

E siman aki mes lo caba di firma tur documento necesario. Mientras cu
ta premira e inicio di trabaonan p’e di 2 siman di april 2015. E compa-
nia cu a gana e destaho publico ta Bohama cual tin sigur un tarea basta
extenso, ya cu aki ta trata di un proyecto bastante grandi.
No solamente ta papia di renobacion di e edificio existente, pero tambe
di expansion di mas lokaal y kantoor.
Tambe e scol lo ricibi un gymzaal completamente nobo. N’e entrada
principal lo bin un edificio di 2 piso cual ta principalmente kantoor
p’e team cu ta maneha e scol aki cu ta conta cu mas di 500 studiante.
Tambe a sigura cu lo bin un bon cantina y zitplek p’e studiantenan.
Parkeerplaats pa bishitante y docente, asfaltering di e tereno completo
y un cura pa por sigura siguridad pa tur esnan cu ta bishita e scol aki
tambe a ser inclui den e proyecto.

Esaki no t’e ultimo scol cual su renobacion lo cuminsa
dentro di poco. Den e dianan dilanti nos lo tin mas
comunicacion di cual ta e siguiente scol.
“Nos ta consciente cu tin mas scol cu tin necesidad
y nos ta haciendo todo lo posibel pa aloca

e fondo pa por drecha mas scol ta na
nos alcance”, e mandatario a
termina bisando.