Page 6 - AAA- JULY 17 , 2015

24 AWEMainta Diaranson, 15 Juli 2015

Motibo pa brindis na yegada oficial di
Insel Air Aruba na Republica Dominicana

DESPUES di un acto oficial na Aeropuerto di Aruba cu

salida di e prome buelo di InselAir Aruba pa Republica
Dominicana, por bisa cu InselAir su prome buelo pa
Republica Dominicana saliendo di Aruba ta oficial.
Na Aruba Minister Otmar Oduber, CEO di InselAir
Aruba, ATA y Aeropuerto mes tabata presente na salida.
Un buelo di un ora y cinco minut full yen a yega bon y
ricibi calurosamente n’e pais di Merengue y Bachata.
A hiba palabra Frederick Nuboer, e CEO di InselAir
Aruba. Despues tabatin cortamento di sinta y brindis.
Manera semper awa di bombero a basha riba e avion
drentando e rampa dunando asina un bon bini oficial.
Autoridad di Aeropuerto a ricibi ehecutivonan di InselAir
na su yegada cu e prome buelo for di Aruba.
Tabata un momento unico, pasobra ta hopi trabou a
wordo haci.
Un buelo di net algo mas cu un ora entre Aruba cu
Republica Dominicana.
Un buelo cu a sali cu bon pia mirando cu e tabata full
pa bay y full pa bin bek Aruba. Dos biaha pa siman nan
lo bula y intencion ta pa aumenta esaki.
Dos biaha pa siman e buelo lo sali di Aruba. Lo yega
Republica Dominicana pa baha e pasaheronan.
Djey ta sali pa St Maarten y despues ta bolbe Republica
Dominicana.
Finalmente ta bolbe sali atardi for di Republica
Dominicana y yega Aruba algo prome cu 7or di anochi.
Tur esnan cu a bay cu e prome buelo pa cobertura tabatin
bon comentario su cu e prome buelo aki den e Fokker 70.