Page 14 - Awe Mainta 18 Dec 2021

14| DIASABRA 18 DECEMBER 2021 AWEMainta.com
Prome Minister tabata presente na

Presentacion di spreekbeurt ‘Profesion di bo

soño’ di Silainy Croes na Colegio Bon Bini

DIAHUEBS ultimo alumno di klas 5 di
Colegio Bon Bini, Silainy Croes, a tene un
spreekbeurt di e profesion di su soño cu ta pa
bira Minister President. Pa esaki, Silainy a
invita Prome Minister Evelyn Wever-Croes
na su presentacion.
Silainy a prepara su spreekbeurt den un
bunita Powerpoint Presentation y tabata
hopi bon prepara.
Prome Minister a keda hopi encanta cu e
preguntanan cu Silainy a puntre y tur a haya
un contesta.

Durante su bishita n’e scol, Prome Minister
a keda hopi contento di mira cu e scol ta
hopi bunita manteni y tin un animo hopi
bunita n’e scol y p’esaki, Premier ta gradici
inmensamente hopi e dirigencia y tur e docentenan. profesion aki, ta un estimulo enorme pa nos muchanan.
Prome Minister a tuma e oportunidad tambe pa desea E ta inspira nan tambe. Talves no t’esaki ta bay bira nan
alumno y docentenan un bon vakantie y cu nan por profesion di future, pero semper ta bon pa tin un soño
descansa y recarga pa bin beki otro aña yen di energia unda bo kier yega, pasobra bo ta yega un caminda hopi
nobo. leu e ora. Pabien na Colegio Bon Bini”.

“Mi ta kere cu e iniciativa aki di laga muchanan scoge Prome Minister ta gradici Silainy p’e honor y ta felicite
nan profesion di nan soño y entrevista esnan cu tin e pa su 10 cu el a haya pa su spreekbeurt.

Brazil Taekwondo Stichting a

celebra nan Cena di Pasco

DIAMARS anochi Brazil Taekwondo Stichting a celebra su Cena di Pasco
den presencia di representante di ASU y e atletanan cu ta forma parti di e
team di "Train Hard Fight Smart" hunto cu nan mayornan.
Sr. Moices Fernandez, Presidente di Aruba Taekwondo Bond "ARTBO" a
habri e anochi gradiciendo tur hende presente pa nan presencia.
Sr. Fernandez a splica tur hende presente tocante di e plannan cu tin pa
2022. ARTBO tin varios plan grandi pa 2022, pero tur cos ta depende di Covid,
pasobra varios evento a wordo posponi y no tin fecha ainda pa nan, manera
e Nederlandsche Kampioenschappen unda cu e rumannan Klabér mester a
participa.
Sr. Moices Fernandez a bisa cu Joshua Klaber ta un atleta cu el a weita for di
chikito ta crece, pero Klabér no a kere den dje y wak awor con Joshua Klabér
a desaroya.
Na luna di januari Joshua Klabér ta bay participa na un training cerca Peak
Performance na Merca.
Sr. Fernandez tabatin e honor di entrega Diploma n’e siguiente atletanan cu
a pasa nan examen pa slip geel y faha geel: Christopher Caines, Faye Franca,
Elijah Sirvania, Teshawn Tromp, Jayvian Arrindell y Richelle Thijzen.

Moices Fernandez a bisa tambe cu esakinan t’e futuro di mañan y a gradici
tur hende y a bisa pa nan sigui encurasha nan yiunan pa nan sigui train
Taekwondo. ARTBO tin plannan grandi pa futuro y ta preparando pa 2024.
Na final sr. Fernandez a desea tur hende un Bon Pasco y Prospero Aña 2022.