Page 9 - ENNIA OCT 20, 2015

Algo cu Gobierno a realisa ta cu tabata laga e hendenan hopi liber den trafico, y a constata cu e
no tabata un prioridad pa drecha esaki. “Un cos cu nos a realisa ta cu door cu nos no tabata
controla hopi pisa e trafico na Aruba tabatin un gran cantidad di persona cu tabata coriendo sin
rijbewijs. Sea nunca nan no a saca nan rijbewijs of el a caduca hopi tempo. Pa e ultimonan aki
nos a duna un curso cu nan por pasa y ta haya nan rijbewijs nobo.” E tempo ey a calcula cu
tabatin rond di 500 persona ta coriendo auto sin e documento aki. E prome dia cu a habri e curso,
a topa cu Abogado, Polis, etc., sinta pa participa den e curso . Mientrastanto a constata cu tin mas
cu 6 mil automobilista cu ta coriendo sin un rijbewijs valido y e unico profesion cu tur hende tin
nan documento valido ta taxista- y chauffeurnan di bus. “Hasta Pastoor tabata core cu rijbewijs
caduca,” e mandatario a comenta.

Pa finalisa a bisa cu el a haci un compromiso pa mehora siguridad den trafico y a felicita ENNIA
cu ta tuma su responsabilidad como compania pa contribui na siguridad di un y tur na e pais aki.

http://www.diario.aw/2015/10/door-di-falta-control-di-antes-tabatin-casi-6-mil-persona-manehando-
sin-rijbewijs-valido/