Page 58 - flip minvos

Miyones di hende rond mundo ta sufri di epilepsia. Por bisa cu 1 riba cada 100 hende por haya
un ataca di epilepsia den nan bida y p’esey ta hopi importante pa nos comunidad ta bon
consciente di e enfermedad aki.

Na Aruba nos conoce Stichting Epilepsie Aruba (SEA) un organizacion unda e pashent y su
famia por a haya informacion, cu tur su consecuencianan. Cu ayudo di entre otro dokter y otro
personanan activo riba epilepsia, e fundacion riba un base regular ta tene anochi di informacion
cu charlanan riba e enfermedad aki. SEA semper ta organiza lectura pa schoolnan y
organizacionnan social ya cu nos comunidad tin necesidad grandi na informacion debido riba
epilepsia.

“Mi tin palabranan di masha elogio pero vooral gradicimento na Stichting Epilepsie Aruba, pa e
forma con ultimo añanan ta asina activo den conscientisa pueblo riba e enfermedad aki, con pa
anda cune, con pa biba cune. Ta door di esfuerso di entre otro e organizacion aki, cu awe mas
hende conoce e enfermedad y cu pashentnan ta sinti nan mes mas trankil pa papia di nan
enfermedad sin miedo”, asina Minister Dr. Alex Schwengle a duna di conoce. E ta spera cu SEA
lo sa di sigui conscientisa comunidad den e temponan nos dilanti.

http://www.diario.aw/2015/03/dia-internacional-di-epilepsia-ta-subraya-e-importancia-di-conoce-nos-
curpa/