Page 2 - AWEMAINTA

2 AWEMainta Diamars, 27 Juni 2017

Parada di Medaya Aruba diabierne ultimo

4 Miembro di

Schutterij a haya nan

medaya di merito

TABATA diabierna ultimo, cu a tuma lugar e asina
yama “medal parade” na Savaneta Kamp, unda si-
gur e tabata un momento special, unda 4 persona di
Aruba a recibi nan medaya di merito.
Manera esnan condecora mes a bisa, cu el a dura
basta tempo, pero porfin a Gobierno di Reino a
corda riba nan. Tur esaki p’e hecho cu nan a sirbi
Reino Hulandes, den periodo di guerra, pero tambe
a otorga medaya di merito na algun veterano hoben,
kendenan a haci trabao humanitario na Haiti.

Comandante di Mariniers Kazerne LTKOLMARNS
T.A. van Dishoeck tabatin palabra di reconocimento
p’e veteranonan y a repasa parti di nan historia, sigur
ora den tempo di guera nan a lucha pa percura pa
defende e parti di Hulanda aki banda.
Nan tur merece e reconocimento aki, maske cu el a
tuma su tempo pa awor a haya nan medaya di merito.

Comandante T.A. van Dishoeck den compania di
Gobernador interino, sra. Yvonne Lacle Dirks a pega
e medayanan na nan bachi.
E condecoradonan ta: Korporaal Schutter Elino
Ricardo Winklaar, Korporaal Schutter Jose Maria
Dania, Schutter Emeterio Angela y e Mobilisatie-
Oorlogskruis a ser otorga na Schutter Marcelino
Gomez.
Tur esaki a sosode den presencia di nan respec-
tivo famia y tambe miembronan di Marina Real.

E 4 militarnan cu a haya medaya tambe, pa cu nan
ayudo humanitario na desasternan natural, e biaha aki
na Haïti 2016: Ta: SMJRMARNALG (Dirk) Terbeek;
SGTMARNVB (Brian) De Beer; KPLMARNALG
(Mark) Kleiweg y KPLMARNALG (Joeri) Welten.

Despues di e parti oficial aki, tur presente a haya
oportunidad di felicita e condecoradonan, intercam-
bia algun anecdota di pasado.
Tambe nan a goza di e tradicional “Blauwe Hap”,
sigui pa un almuerzo, durante cual a discuti e tem-
ponan aya, cu manera a ser bisa, no ta diferente di e
situacion di awendia.
E dia a ser clausura cu un bishita na Marine Wa-
tersport Centrum, unda tur presente por a brinda
p’exitoso dia aki y asina clausura un momento sigur
historico p’e condecoradonan.