Page 4 - AWEMAINTA

4 AWEMainta Diamars, 27 Juni 2017

E forma di proceder di OM

Ta crea masha duda

Segun drs. Pual Croes

MIRANDO e trato con Ministerio Publico a bin ta trata Minister drs. Paul
Croes, te cu e mandatario a acusa Ministerio Publico di a secuestra su persona
y su famia, pa no menciona gobernacion tambe.
A surgi e pregunta na Minister drs. Paul Croes si ainda e tin confianza den nos
sistema legal, den nos Ministerio Publico, e mandatario awe tin su dudanan.

“N’e momento aki mi por bisa cu mi confianza a bira menos pa motibo di e tar-
danza. En todo caso, cu nos ta pasando den dje.
Por a spera cu e caso aki por tin un diligencia, manera Fiscal mes a declara den
su conferencia di prensa, y pesey mi a tuma un decision politicamente etico, na
mi parecer.
Pa duna OM e espacio necesario p’e respet cu bo tin p’e autoridadnan.
P’e respet di e independencia cu nos tin p’e aparato hudicial,
pero mi ta ripara cu e tardanza aki, ya caba ta ponemi den
un situacion inhusto.

Tur esaki ta pone cualkier hende crea duda den e
proceso cu Ministerio Publico ta aplicando e.o. den
su caso”, segun drs. Paul Croes.

MINISTERIO PUBLICO

NO TIN REACCION

RELACIONA cu e con-
ferencia di prensa di Minis-
ter Paul Croes y su abogado
mr. Marije Vaders, for di
prome ora di ayera mainta,
a busca pa sa si Ministerio
Publico por tin reaccion riba
loke a ser treci dilanti.
Segun e vocero di OM, nan
no tin nada di declara. Asina
cu tin noticia, lo emiti un
declaracion. Ann Angela
a confirma cu te ainda ta
solamente 2 persona so tin
deteni y nan ta na KIA y t’e
dos hombernan, kendenan
tambe ta sospechoso den e
caso Ibis.
Esaki so e por declara ta
awor, mientras cu e inves-
tigacion ta sigui.