Page 38 - Extra
P. 38
38 Djarason 10 Febrüari 2016
DOKUMENTONAN
HOPI IMPORTANTE
DI HISTORIA DI
KORSOU
WILLEMSTAD.- Archivo
Nashonal di Kòrsou ta
atkirí dokumentonan hopi
importante pa investigashon
i konosementu di historia di
Kòrsou.
Ta trata di un vershon
original di publikashon
di Iohannes de Laet ku ta
titulá : “Historie ofte iarlijk
verhaal van de verrichting
der geoctroyeerde West
Indische Compagnie”. E
buki aki a keda publiká
na 1644 ku relatonan di
West Indische Compagnie.
Iohannes Laet tabata e
promé skibidó di historia di
West Indische Compagnie.
Mayoria informashon for
di dokumentonan original
ku tin na Archivo Nashonal
ta datá di siglo 19 ku
eksepshon di un dokumento
privá di aña 1687. Cartas
Indias ku a keda publiká na
1877 ta otro publikashon ku
ta forma parti di e kolekshon
di museo di Kòrsou.
Cartas Indias original
ta datá di 1493 i ta un
kompilashon di kartanan
skibí durante e promé
ekspedishon di Cristobal
Colon kaminda a deskubrí
islanan den Caribe.
Tin hopi interes pe
historianan di temporada
ku spañónan a deskubrí
Kòrsou. Tambe Archivo
Nashonal tin un kolekshon
di pòtrèt di e fotógrafo
Robert Soublette kual ta un
di e fotografnan mas bieu na
Kòrsou.
Un i tur por pasa na
Scharlooweg 77 i tuma nota
di e kolekshon interesante
aki.
