Page 39 - Extra

Djarason 10 Febrüari 2016 39

CLEOPA TA BOLBE
PIDI KLARIDAT

RIBA SKARSEDAT
DI MAESTRO

WILLEMSTAD.- E siman
aki miembro di Parlamento
s r. Eu g e n e C l e o pa a
dirigí un karta na Staten
relashoná ku e tópiko
di skarsedat di maestro
pa ku sierto materia den
enseñansa avansá. Segun
Cleopa, den un karta ku el
a manda fecha 19 di mei
2015 el a aserka Minister
di Enseñansa ku un
kantidat di pregunta entre
otro relatá na e skarsedat
di dosente na Kòrsou. Te
hasta dia di awe e no a
risibí kontesta riba e karta
aki.

Mirando e kantidat
grandi di mayor ku ta
aserká su persona ku nan
preokupashon pa nan
yunan den enseñansa
avansá ku no ta risibí lès
manera e roster di skol
ta dikta, e ta bole aserká
Minister ku e mesun
preguntanan. Alabes e
ke mustra Minister riba
e protokòl firma entre
Parlamento i Minister
Presidente kaminda
Gobièrnu a palabrá ku
Parlamento ku den dos luna
lo kontestá Parlamento i si
esaki no ta posibel, lo pone
Presidente di Parlamento
na altura di e motibunan
pakiko no a alkansá e
periodo di dos luna.

Mirando e echo ku nos
ta den un aña eskolar nobo,
ku kasi bo por bisa ya mitar
di e aña eskolar ta tras di
lomba, e ta aserká Minister
ku e mes un preguntanan.

1. Minister por
informá Parlamento,
spesifiká pa e diferente
skolnan den enseñansa
avansá, pa kua materia no
tin dosente?

2. Pa kuantu tempu
e muchanan no a risibí
lès den e materia ariba
menshoná?

3. Ki pasonan minister
a tuma huntu ku e diferente
outoridatnan responsabel
pa yena e vakaturanan
vakante riba término
kòrtiku?

4. Ki paso minister a
tuma huntu ku e diferente
outoridatnan responsabel
pa yena e vakaturanan
vakante riba término
largu?

5. Ki posibel solushon
tin pa e hóbennan por
rekuperá e lèsnan ku
nan no a risibí i ku ta di
suma importansia pa nan
formashon?