Page 54 - TTC MARCH 12,2015

Dancers cu sigur a duna un tremendo presentacion y bo por bisa cu e publico a keda biba cu e ambiente
di e anochi

Mientras cu e anochi a keda transcuri, nos a haya e di dos parti di presentacion di e hobennan y asina
por bisa cu tur cos a core den un forma cu caminda cu a termina na e ora stipula.
Mientras cu a bay conta punto, nos a haya presentacion di Rosabelle Illes y Osvaldo Correa kende a duna
un tremendo presentacion cu nan poeta teatral titula “Hobennan ta e futuro di presente” cual a haya un
tremendo aplauso tanto di hoben como e grandinan.
E anochi aki no por a bay asina sin mas, cu un reconocimento na un di nos gran Poeta Arubiano señora
Omaira Rodriguez Britten kende e aña aki a cumpli 40 aña como poeta Arubiano y na varios ocasion a
ricibi reconocimento internacional como poeta, Omaira mes a expresa e anochi aki, cu den tur su
añanan di experiencia como poeta, a keda encanta cu e presentacion di nos hobennan.

Y nos por bisa cu Aruba un biaha mas ta bay sigur cu un grupo di bon calidad di participante den e
competencia di Arte di Palabra Interinsular na nos ruman isla Corsou, un biaha mas nos kier a gradici tur
nos partnernan, Grupo Corecto Papiamento, Fundacion lanta Papiamento, Departamento di Cultura
Aruba y tambe nos cu ta Aruba Bank, Setar N.V., Subway, Damox N.V., Aruba Tourism Authorithy,
sponsornan Gobierno di Aruba, pa medio di su Minister di Turismo, Transporte, Sector Primario y
Cultura señor Otmar Oduber, y tambe UNOCA cu un biaha mas ta haci cu e biahe y estadia di e
ganadornan posibel, pa asina nan participa den e competencia dia 28 di Maart cu ta bin na Corsou.

E ganadornan ta como lo siguiente:

Categoria: Poesia Original:

#3 Jeandry Mathilda (Mon Plaisir College Klas 2)
#2 Marykay Quandt den Poesia Original (Colegio San Antonio Klas CB-2)
#1 Margelijn Martijn Poesia Original (Colegio San Antonio Klas CB-2)
Ganador , Geniesis Ramirez Poesia Original (Maria College Klas 4-A)

Categoria: Poesia existente:

Ganador. Tai Kong Ashley Trimon Lee (Mon Plaisir Klas 1)

Categoria: Storia Original

Oriana Baez den Storia Original (Maria College Klas 2-A)
Ganador. Rafael Garcia ( Mon Plaisir College 1C)